«Ny
fifohazana dia tsy afaka ny hiforona afatsy hoe toy ny valin-teny omena ny
vavaka . Raha mbola tsy manana ny Fanahy Masina ny olona anankiray , dia tsy
afaka ny hanome tombam-bidiny ho an’ny fitoriana ny tenin’Andriamanitra mihitsy
io olona io . Kanefa raha vantany vao mahakasika ny fon’ny olona ny herin’ny
Fanahy Masina , ireo lahateny atao dia misy vokany . Rehefa tarihin’ireo
fampianaran’ny tenin’Andriamanitra sy arahin’ny fisehoan’ny
fanahin’Andriamanitra ao anatin’ny asa atao amim-pahalalam-pomba , ireo izay
mandray anjara amin’ireny fivoriam-beantsika ireny , dia hahazo fanandramana
sarobidy . Rehefa tafaverina ao an-tranony ireo olona ireo , dia handefa hery
mahataona finaritra . » Messages Choisis vol 1 p 141
NY ASAN’NY FANAHY MASINA
1. - Inona no hery
mandresy lahatra izay ao ambadiky ny fifohazana marina tsirairay ? Efesiana 3 :
16 ; I Korintiana 2 : 4
«Tsy misy afatsy ny fisainana sy
ny fo voadio amin’ny alalan’ny asa mamelona ataon’ny Fanahy Masina ihany no
afaka manavaka tsara an’ireo zavatry ny lanitra . Ry ranadahy , amin’ny
anaran’ny Tompo , mitalaho aminareo aho mba hifohazanareo hanananareo fitiavana
ny adidy izay tsy maintsy ataonareo . Aoka ny fonareo hatolotrareo mba ho fehezin’ny herin’ny Fanahy Masina , ka
ho hainareo ny mahazo tsara an’ireo fampianaran’ny tenin’Andriamanitra sy ireo
zavatra lalina izay an’Andriamanitra . Ny Tompo anie hametraka ny vahoakany eo
ambany fifehezan’Ilay hery mahataonan’ny Fanahiny . Izy anie hanao an’io
vahoakany io ho tonga saina ny amin’ilay loza izay mila hahazo azy ireo , ka
mba hiomanan’izy ireo ho amin’ny zavatra izay hitranga eto ambonin’ny tany . » Témoignages pour l’Eglise vol 3 pp 332,333
2. - Moa ve ny olona
nanankiray afaka ny ho tonga kristiana araka ny maha izy azy ? Nahoana ? Na hoe
: nahoana moa raha ohatra ka zavatra mety misy izany ? Inona no mitondra ny fiovana avy eo amin’ny haizina
mankeo amin’ny fahazavana ? I Korintiana 2 : 14,11
«Tsy azontsika samy irey atao ny
mitsoaka avy ao amin’ny tevan’ny fahoriana izay niletehantsika . Ratsy ny
fontsika nefa tsy haintsika ovàna izy … Raha tian-kiala amin’ny toerana feno
fahotana ny olona mba ho tonga amin’ny fahamasinana dia tsy maintsy misy hery
miasa ao anaty , dia fiainam-baovao avy any ambony …Ny fampianarana , ny
fanamboarana ny toe-tsaina , ny fampiasana ny sitrapo ary ny fikirizana dia
samy manana ny anjara raharahany avy , nefa eto dia samy tsy mahakehaka ireo …» Dia ho eo amin’i Kristy p 20 , 21
NY RANONORANA VOALOHANY SY NY
RANONORANA FARANY
3. - Inona no
nataon’i Jesosy talohan’ny nandefasany ny Fanahiny Masina tamin’ny fatrany
mitafotafo ? Jaona 20 : 21-22
«Talohan’ny nandaozany ny
mpianany , Kristy dia nanisy fofon’aina , ka hoy Izy “ Raiso ny Fanahy Masina ”Jaona 20 : 22 . Hoy indray Izy : “
Indro , izaho mampitondra ny teny fikasan’ny Raiko ho anareo ” Lioka 24 : 49 . Nefa tsy noraisina
tamin’ny fahafenoany ny fanomezana raha tsy taorian’ny niakarany tany
an-danitra . Raha tsy efa nitolo-batana tanteraka hanao ny asany ny mpianatra
tamin’ny alalan’ny finoana sy ny fivavahana , dia tsy nirotsaka taminy ny
Fanahy Masina … Efa antsika sahady ao amin’i Kristy ny fanomezana , nefa ny
tena fananana azy dia miankina amin’ny fandraisantsika ny fanahin’Andriamanitra
. » Henoinareo ny Fanoharana p. 283
4. - Alohan’ny
hahatongavan’ny Fanahy Masina hitobaka amin’ny fahafenoana eo amin’ny
fotoanan’ny ranonorana farany , inona no tsy maintsy raisina aloha ? Hosea 6 :
3 ; Joela 2 : 23
«Olona maro no
nanajanona ny fandraisana ny ranonorana voalohany , ary izany dia nataony
tamin’ny fomba feno fahavononana tokoa . Ireo olona ireo dia tsy nandray
an’ilay tombontsoa izay tian’Andriamanitra hatolotra ho azy ireo amin’ny
alalan’io ranonorana voalohany io . Izy ireo dia nanantena fa izay zavatra banga ao
dia hototofan’ny ranonorana farany . Rehefa ny fahasoavana homena amin’ny
fahatsarany rehetra sy mitafotafo , izy ireo dia mihevitra ny hanokatra ny fony
amin’io foana io mba handray an’ilay fahasoavana . Kanefa manao
fahadisoan-kevitra mahatahotra izy ireo … Tamin’ny alalan’ny fiaiken-keloka sy
ny fandaozana ny fahotana , tamin’ny alalan’ny vavaka mafana sy ny fanoloran-tena
marina tokoa ho an’Andriamanitra no fomba niomanan’ireo mpianatra voalohany mba
handray ny Fanahy Masina tamin’ny fahafenoana tamin’ilay andro Pantekosta . Io
asan’ny Fanahy Masina io ihany , ary amin’ny fomba mahery vaika kokoa , no tsy
maintsy ho tanteraka amin’izao fotoana izao . » Temoignages pour les Pasteurs pp. 259,260
HANDRAY NY FANAHY MASINA
5. - Inona no tsy
maintsy ataon’ny mpino mahitsy fo ao Laodikia mba hanana fitiavana ara-panahy
mazava tsara ? Apolalypsy 3 : 18b
«Noho
izany isika dia tsy maintsy tena malina indrindra , sy mandeha
amim-panetren-tena eo anantrehan’Andriamanitra , mba hahatonga an’ilay odimaso
avy amin’Andriamanitra hanao antsika ho
afaka manavaka tsara an’ireo asa ataon’ny Fanahy Masin’Andriamanitra , sy ireo
fihetsiketsehan’ny fanahy izay mpitondra korontana sy firehi-drehetana tsy
amin’ny antony . Amin’ny voan’izy ireo , araka izany , no ahafantarantsika azy . Ireo izay tena mibanjina marina an’i Kristy
, dia ho voaova hanana ny endrik’i Kristy , tahaka ny avy amin’ny Tompo . Izy
ireo dia ho lehilehy sy vehivavy izay mahatratra ny ohatry ny fahatanterahan’i
Kristy . Ny fanahin’Andriamanitra dia hampisy fitiavana sy fahadiovana ao aminy
; dia hisy zavatra manoka izay hiseho eo amin’ny toetra ». Messages Choisis vol 1 p 165
«Ny odimaso dia ilay fahendrena sy fahasoavana izay
mahatonga antsika mahay manavaka tsara ny ratsy sy ny tsara , sy mahita ny
fahotana araka ny tena endriny rehetra . Andriamanitra dia nanome ho an’ny
fiangonany ny maso izay feno hosotry ny fahendrena mba hahatonga an’io
fiangonana io ho afaka mahita tsara . Ilay odimaso avy amin’Andriamanitra dia
mitondra fahazavana ho an’ny saina . » Temoignases pour l’Eglise vol 1 pp 548,549
«Endrey , enga anie ianareo
tsirairay ho afaka hametraka an’io ody maso io amn’ny tenanareo manokana mba
hahafahanareo mahita ny kilemanareo ao anatin’ny tenanareo ao , sy hahatonga saina anareo ny amin’ny hoe
: Andriamanitra dia tena mijery sy mandinika ny fitiavanareo an’izao tontolo
izao , izay mandroaka ny fitiavana an’Andriamanitra . » Testimonies for the Church vol 4 p 615
6. - Inona ihany koa
ny zavatra hafa izay tsy maintsy atao mba handraisana ny Fanahy Masina ? Lioka
11 : 13
«Koa satria io no fomba izay
handraisantsika hery , nahoana no tsy noana sy mangetaheta ny fanomezan’ny
Fanahy isika ? Nahoana no tsy ataontsika anton-dresaka , antom-bavaka sy
toriteny izany ? Vonona ny hanome ny Fanahy Masina amin’izay manompo Azy ny
Tompo , mihoatra noho ny fanirian’ny Ray aman-dReny hanome zava-tsoa ho an’ny
zanany … » Vavolombelona Mahery p 46
IREO VOKATRA ATERAKY NY ASA
ATAON’NY FANAHY MASINA
7 - Inona no
hitondra ny Fanahy Masina ho ao anatin’ny olona anankiray ? Moa ve ianao efa
mba nandalo tamin’izany fanandramana izany ? Jaona 3 : 3 , 5-8
«Tsy hita ny rivotra , nefa misy
vokany hita maso sy tsapan’ny tanana . Toy izany koa , ny asan’ny Fanahy eo
amin’ny fanahy dia hiseho eo amin’ny fihatsika rehetran’- izay mahatsapa ny
heriny mahavonjy . Rehefa mambabo ny fo ny Fanahy Masina dia manova ny fiainana
. Avela ny eritreritra feno fahotana , afoy ny asa ratsy , ny fitiavana ny
fanetren-tena , ny fiadanana no mandray ny toeran’ny fahatezerana , ny
fitsiriritana sy ny adilahy . Mandray ny toeran’ny alahelo ny fifaliana , ka
mitaratra ny fahazavan’ny lanitra ny endrika … Amin’izay dia mamorona
olom-baovao araka ny endrik’Andriamanitra ilay hery izay tsy azon’ny mason’ny
olombelona jerena . » Ilay Fitiavana Mandresy p 167 ,168
«Ny hery mahataonan’ny Fanahy
Masina dia tsy hanao hetsika amin’ny sain’olombelona mihintsy raha tsy mifanaraka
amin’ny fampianaran’Andriamanitra . Kanefa ny Fanahy Masina dia tsy manao
hetsika amin’ny fomba sy fahefana mihoatra noho ny fahatakaran’ny sain’olombelona.
» Lettre 10 , 1897 Commentaires Bibliques p 157
8. - Fomba ahoana no
ahafantarana fa ny Fanahy Masina dia mitoetra ao anatin’ny olona iray ?
Galatiana 5 : 22-24
“...Rehefa mandray ny
Fanahin’i Kristy ianao , ny fanahin’ny fitiavana manadino ny tena sy miasa ho
an’ny hafa , dia hitombo ianao ka
hitondra voa . Ho masaka eo amin’ny toetra amam-panahinao ireo fahasoavan’ny
Fanahy . Hiha matanjaka ny finoanao , hihalalina ny foto-pinoanao , ho
tanteraka ny fitiavanao . Hampitaratra bebe kokoa hatrany fitoviana amin’i Kristy
ianao eo amin’izay madio , ambony sy mahate ho tia rehetra .” Henoinareo ny
Fanoharana p 47
TSY MAINTSY ILAINA NY FANAHY
MASINA MBA HAHATRATRARANA AN’ IREO FANAHY
9. - Raha ohatra ka
ny Fanahy Masina manolon-tsaina ny olony iray , inona no antony mahatonga ny
hoe tsy misy na inona na inona mahasakana an’io olona io tsy hijoro ho
vavolombelona ? Asan’ny Apostoly 4 : 19-20 ; Romana 8 : 14
«Tsy maintsy mandresy amin’ny
alalan’ny herin’ny Fanahy Masina ny fahamarinana. Amin’ny alalan’io hery io
irery ihany no hahatonga an’ireo teny ataontsika handaitra sy hahazoana
fandresena . Ny Fanahy Masina dia tsy maintsy miasa manome aina ho an’ireo
mpanompon’Andriamanitra . Ary amin’ny alalan’ny finoana , izy ireo dia tsy
maintsy miankina amin’ny herin’Andriamanitra . » Temoignages pour l’Eglise vol 3 p 51
«Raha ohatra ka misy olona
mandrara antsika mba tsy hanatanteraka an’io adidy io , aoka isika hamerina
miaraka amin’ireo Apostoly an’ilay teny hoe : “Tsaraonareo na marina eo
anantehan’Andriamanitra na tsia , ny hanaiky anareo mihoatra noho Andriamanitra
. Fa
izahay tsy maintsy milaza izay zavatra efa hitanay sy renay” . » Vavolombelona Mahery p 60
10. - Inona no tsy
maintsy ataon’ny kristiana tsirairay amin’izao fotoana izao , izay efa
akaikin’ny fihafaran’ny tantaran’ny tany ? Nahoana ? Kolosiana 4 : 5 , Efesia 9
: 15-16
«Ny hafatry ny anjely fahatelo
dia tsy maintsy mivoatra ka hiafara amin’ny feo mafy . Tsy azonareo atao mihitsy
ny mamela ny tenanareo hanao antsirambina ny adidy ataonareo ankehitriny , sy
hihevitra fa amin’ny fotoana iray ho avy , no handraisanareo ny fitahiana mitafotafo
rehefa miseho ny fifohazana kanto dia kanto , izay tsy misy ezaka ataonareo na
dia kely akory aza . Anio mihitsy ianareo
no tsy maintsy manolotra ny tenanareo ho an’Andriamanitra , mba hanaovany
anareo ho fanaka omem-boninahitra izay voatendry ho amin’ny asany
. Anio ianareo no tsy maintsy manolo-tena ho an’Andriamanitra , hahafoana ao
anatinareo ny izaho , ny fitsiriritana , ny fialonana , ny fiahiahiana , ny toe-tsaina
feno fifandrafiana , ny zavatra rehetra izay manala baraka an’Andriamanitra .
Anio mihintsy no tsy maintsy voadio ny kapoakanareo , ho voaomana handray ny
andon’ny lanitra , mba ho
amin’ilay ranonorana mivatravatran’ilay andro
farany . Satria ho avy io ranonorana farany io , ary ny
fitahian’Andriamanitra dia hameno ny fanahy tsirairay avy izay voadio ho afaka
amin’ny fahalotoana rehetra . Adidintsika anio ny tsy maintsy mampilefitra ny
fanahintsika ho fehezin’i Kristy , mba hahatonga antsika ho voaomana ho amin’ny
fotoanan’ilay famelombelomana avy amin’ny Tompo , voaomana ho amin’ny batisan’ny
Fanahy Masina . Messages Choisis vol 1 p 223
Aucun commentaire:
Enregistrer un commentaire