«Raha ohatra isika
mahafantatra marina ny amin’ilay iraka nampanaovina an’i Kristy teto ambonin’ny
tany sy ny amin’ny asa izay ataontsika , dia tsy ho kivy mihitsy isika satria
vitsy an’isa . Rehefa nanontaniana i Kristy ny amin’ny hoe , vitsy ve ny olona ho
vonjena ? Dia izao manaraka izao no navaliny . “ Midira amin’ny vavahady éty ianareo , fa lehibe ny vavahady , ary malalaka ny làlana izay mankany amin’ny fahaverezana
, ka maro ny miditra any . Ary amin’izao dia omena ny antony . Fa éty ny
vavahady , ary tery ny làlana izay mankany amin’ny fiainana , ka vitsy no
mahita azy .» Historical Sketches of the Foreign Mission of the
Seventh day Adventiste p 232
NY TOETOETRA ANKAPOBEN’NY
FIARAHA-MONINA
1.- Iza no mitarika
ny ankamaroan’ny olona eto ambonin’ny tany ? Ahoana no ahafantaranareo izany ?
Efesiana 2 : 2-3 ; I Jaona 5 : 19
«Fanehoana fahajambana lehibe ny
manivaiva ny lavorary indrindra mba hahazoana antoka fa hanana hamamian-koditra
amim-bahoaka , sy ny isan’olona maro . Raha ohatra ka ny hamaroan’ny olona no
porofon’ny fahombiazana , dia afaka mitaky an’izany fiamboniana izany i satana
, satria eto amin’ity izao tontolo izao ity , dia ny mpianatr’i satana no maro
an’isa indrindra tokoa ». Témoignages pour l’Eglise vol 2 p
493
«…Tsy mifandrindra amin’ny
toe-tsain’izao tontolo izao koa ny toe-tsain’i Kristy ankehitriny tahaka ny
tamin’ny andro teo aloha , koa izay mitory ny tenin’Andrialanitra araka ny
fahadiovan’izany dia tsy hahita fankasitrahana ankehitriny mihoatra noho ny
tamin’izany . Mety miova ny endriky ny fanoherana ny fahamarinana, mety ho kely
hery kokoa ny fandrafiana satria tsara afina , nefa mbola ao ihany ilay fanoherana ary
hiseho hatramin’ny faran’ny andro izany .» Hery Mifanandrina p 145
2. - Inona no zavatra
ankapobeany izay iainan’ny vahoaka
ankehitriny ? Rmana 3 : 10-18 ; II Timoty 3 : 1-5
«Mampisy tahotra ao
am-pon’ireo vahoaka madinika sy matahotra an’Andriamanitra ny fielezan’ireo
heloka be vava. Ny faharatsiana manjaka ankehitriny , tsy hay lazaina . Mitondra
fanambarana vaovao maro mikasika ny tsy fifanarahana , haratsiam-panahy sy
fanambakana ao anatin’ny raharaha politika ny andro tsirairay. Mitondra ihany
koa eo amin’ny fitanjozotran’ny fangirifiriana maro vokatry ny herisetra sy
fandikan-dalàna , ny tsy firaharahana manoloana
ny fijaliana , ireo famelezana feno habibiana sy avy amin’ny devoly izay
atao amin’ny ain’olombelona . Ny andro tsirairay dia vavolombelon’ny fitomboan’ny
hadalana , famonoan’olona , ary famonoan-tena .» Témoignages pour l’Eglise vol 3 p 390
NY ANTONY TSY HISIAN’NY FAHAMARINANA IZAY TENA MAHATROTRAKA
3. - Inona no antony
mahatonga an’ireo fahoriana marobe eto amin’izao tontolo izao ? Isaia 24 : 5,6
«Miaina eo amin’ny vanim-potoanan’ny
hasomparana lehibe isika. Olona alinalina no andevozin’ny fanao meloka sy
fahazaran-dratsy maro karazana , ary tsy mora ny manapaka an’ireo gadra vy avy
amin’ny fanao ratsy ireo . Ny tsy fahamarinana tahaka ny tamin’ny andron’ny
safo-drano dia efa manafotra ny tany . Heloka bevava maro izay zara raha
sahin’ny olona no manonona azy amin’ny anarany , no atao isan’andro , kanefa
dia lehilahy maro izay natao ho mpitily sy mpiambina mitoetra eo amin’ny
mandan’I Ziona no maneha-doza mampianatra fa ny lalàna dia natao ho an’ny Jiosy
irery ihany . Ary io lalàna io dia efa nofoanana ka efa voasolon’ireo
tombontsoa be voninahitra raketin’ny filazantsara . Moa ve tsy misy
fifandraisana eo amin’ny fahefana lehibe indrindran’ny tsy fahamarinana sy ireo
heloka be vava eo andaniny , ary etsy ankilany kosa ny fisian’ireo mpitoriteny
sy ireo mpihaino azy izay mihazona sy mampianatra fa ny lalàna dia efa tsy
manankery itsony ? Messages Choisis vol 1 p 257
«Noho ny fahotana , ny ozona avy amin’Andriamanitra dia
miely eto ambonin’ny Tany , sy eo amin’ireo biby manontolo , ary eo amin’ny
nofo rehetra Manefa ny vokatry ny fitsipahan’izy reo ny didin’Andriamanitra ny
olombelona. Ny biby fiompy ihany koa dia mijaly noho io ozona io .» Conseils
sur la Nutrition et les aliments p 493
4.-Nahoana moa ny fahotana no manana fahefana toy izany
eo amin’ny taranak’olombelona manontolo ? Romana 7 : 14,15,19 ; 6:16
«Manana zo hambabo ny olona izay miharatsy Satana. Tonga
Jesosy Kristy mba handrombaka an’io remby io ho afaka eo an-tanan’i Satana .
Koa satria ny olombelona dia manana fironana hanaraka ireo toro hevit’i satana ,
dia tsy afaka mihitsy amin’ny herin’ny tenany manokana izy , ny hanohitra
amim-pahombiazana an’io fahavalo mahatsiravina io . Noho izany , tsy maintsy i
Kristy irery ihany , Ilay Mpandresy mahery , no mitoetra ao anatin’ilay olona ,
manolo-kevitra ao anatin’ireo fanirian’io olona io , sady manolotra ho azy ny
hery avy amin’Andriamanitra . Tsy misy afatsy Andriamanitra irery ihany no afaka
mametra ny herin’i satana . » Messages à la
Jeunesse p 49
IREO FANEHOANA HAFA
ANORITSORITANA NY ANKAMAROAN’NY OLONA
5. - Inona no
anoharara an’io zavatra iainan’ny ankamaroan’ny olona io , izay tena miely
tokoa ? Isaia 60 : 2a ; Jaona 1 : 5 ; 3 : 19
« Arakaraka ny
androsoan’ny fahadisoan-kevitra , no tsy maintsy hampitomboana ny fahazotoana
ho amin’ny asan’Andriamanitra , koa tsy
maintsy andraisana ho zava-dehibe indrindra koa ny fiatrehana matotra tsara ny
zava-misy amin’izao fotoana iainantsika izao . Manarona ny tany sy ny mponina
ao aminy ny aizina. Koa satria ny ankamaroan’ny olona manodidina antsika dia
miapatra ao anatin’ny aizina matevin’ny fahadisoan-kevitra sy ny lainga , isika
dia tsy maintsy manifika ny fahalavoana mahazo antsika , ka miaina eo
akaikin’ny Tompo , izay ahafahantsika mandray an’ireo tara-pahazavana avy
amin’Andriamanitra sy ireo tana-masoandron’ny voninahitra avy amin’i Jesosy
tenany . Koa satria miha matevina sy miha mitombo ny fahadisoan-kevitra , noho
izany , isika dia tsy maintsy mandray ny fahalalana lavorary kokoa ny amin’ny
fahamarinana , tsy maintsy vonona mandrakariva hiaro ny finoantsika amin’ny
alalan’ny Soratra Masina .» Prémiers Ecrits p 104
6. - Inona ihany koa
ilay sary tandindona hafa izay manori-tsorotra an’ilay fahefana izay mifehy
an’ireo alinalina , sy ireo firenena maro , ary ireo vahoaka eto an-tany ? Apokalypsy
17 : 1,2,15
«…Ao amin’ny Apokalypsy faha
17 dia nohazavain’ny anjely fa ny ranobe
dia mampiseho olona sy vahoaka betsaka sy firenenamaro ary samihafa fiteny . Ny
rivotra dia tandindon’ny ady . Ny rivotra efatry ny lanitra izay mibosesika
amin’ny ranomasina lehibe dia mampiseho ireo zava-mahatsiravina mitranga rehefa
misy ady fanafihana na fanonganam-panjakana an-keriny izay nahatongavan’ireo
fanjakana samihafa teo amin’ny toeram-pitondrana . Hery Mifanandrina pp. 453,454
«Io divain’ny fahadisoan-kevitra
io dia ireo fampianaran-diso toy ny tsy fahafatesan’ny fanahy , ireo fijaliana
mandrakizay hihatra amin’ireo ratsy fanahy , ny fandavany ny fisian’i Kristy
mialoha talohan’ny nahaterahany tao Betlehema , ary ny fanandratana ny andro
voalohany amin’ny herin’andro , ho ambony mihoatra noho ilay andro izay
notahian’Andriamanitra sy nohamasininy . Ireo fahadisoan-kevitra ireo sy ny
fahadisoana maro samy hafa izay mitovy fiasa aminy , dia aroso ho an’izao tontolo izao sy ny
fiangonana maro samihafa , ka amin’izany dia tanteraka izao fanambarana
manaraka izao, izay voalaza ao amin’ny tenin’Andriamanitra manao hoe : « Fa
tamin’ny divain’ny fahatezerana noho ny fijangajangany no nahalavoan’ny
firenena rehetra , ary ny mpanjakan’ny tany nijangajanga taminy , ary ny mpandranto amin’ny tany tonga
mpanan-karena noho ny hafatratry ny nitiavan’io ny zava-mahafinaritra ny tena »
. Apokalypsy 18:3 Témoignages pour l’Eglise vol 2 p 421
MISY SISA HO VOAVONJY
7. - Inona no loza
izay tonga teto ambonin’ny tany tamin’ny foan’andron’i Noa ? Ahoana no fomba anoharana
an’io fotoan’andro io amin’izao fotoana izao ? Genesisy 6 5,7,11-13
«Koa dia tsy nisy vahoaka na
olona marobe nomba ny fahamarinana . Niray hina hanohitra an’Andriamanitra sy
ny didiny izao tontolo izao … Mba hampahatahotra antsika fitsiny no anton’izao
fandrahonana avy any an-danitra izao , fa tsy ho tanteraka akory izany . Koa
aza taitaitra foana ianareo , fa tsy handringana ny tany izay efa namboariny ,
na handevona ny olona izay efa noforoniny na oviana na oviana Andriamanitra . Aza
misy matahotra , mandria fahizay . Noa dia olona adala sy mafana fo foana tsy amin’antony …» Patriarika sy Mpaminany p 79
«Mitombo ny tsy fahamarinana eto
amin’izao tontolo izao tahaka ny tamin’ny andron’i Noa . Letter 279 , 1905 . » A Call to Medical Evangelism and Health Education p 22
«Ireo fahotana mitovy
amin’ireo fahotana tamin’ny andron’i Noa
izay nitarika ho amin’ny fitsaran’Andriamanitra no mbola misy amin’izao fotoana
izao . Lehilahy sy vehivavy maro ankehitriny no manitatra ny fihinana sy ny
fisotro ka tonga eo amin’ny hatendan-kanina sy fimamoana tafahoatra . Ny
fanomezana fahafaham-po ny fitiavan-kanina efa niharatsy no ilay fahotana
lehibe indrindra izay nampifofofofo ny firehi-drehetan’ireo olona talohan’ny
safo-drano , ary nitondra ny faharatsiana teo amin’ny be sy ny maro . Ny herisetra sy ny
fankahalàna ny fivavahana dia niakatra nahatakatra ny lanitra .» Conseils sur la Nutrition et les Aliments p. 172
8. - Na dia misy
an-tapitrisany aza ireo olona izay ao anatin’ny fiangonana ka mihambo ho
fiangonan’Andriamanitra ankehitriny , ampahan’olona manao ahoana ihany no ho
voavonjy ? Nahoana ? Romana 9 : 27
«Ny ankamaroan’ireo izay manana
ny anarana hoe kristiana amin’ny endrika miseho ivelany , dia miaina ho an’izao
tontolo izao raha ny tena izy . Izy ireo dia tsy tena tia marina ny zavatry ny
lanitra . Satria tsy mba hitany ny hakaton’ny zavatry ny lanitra . Olona maro
no mitonon-tena ho kristiana satria ny fivavahany dia hajaina fatratra . Ireo
olona ireo dia tsy mahita , ary tsy afaka ny ho kristiana tena izy ny olona
anankiray raha tsy mitondra ny hazo fijalian’i Kristy . Ny fivavahan’izy ireo
dia tsy afaka ny hampivily azy hiala amin’ny fahafinaretan’izao tontolo izao . » Messages à la Jeunesse p 372
«Tsy ny olona rehetra akory no ho
lavo ao amin’ny fandrik’i satana , satria rehefa manakaiky ny farany dia ho
hain’izay mijoro ho mahatoky ao amin’ny Tompo
ny hamantatra ny famantarana ny andro farany . Ka raha ho marobe ny
Kristiana sandoka hiantehitra amin’ny asa vitany , dia hisy kosa sisa hijoro
tsy azo hozongozonina hatramin’ny farany .» Vavolombelona Mahery pp 470,471
ILAY LALANA TERY
9. - Rehefa ny fananana
toky no tonga eo amin’ny resaka finoana sy fahamarinana , inona no zavatra izay
tsy azo ametrahana an’io toky io ? Eksodosy 23 : 2,1
«…Ny hevitry ny manampahaizana
, ny fehin-kevitra avy amin’ny siansa , ny fanekem-pinoana na ny hevitra tapaky
ny fivoriana fiheveran-draharaha ara-pivavahana , izay maro sy mifanolana araka
ny fiangonana asehony , ny feon’ny maro an’isa , tsy misy na ny iray amin’ireo
, na izy rehetra , tokony ho raisina ho porofo mazava hoenti-manamarina na
manohitra foto-pampianarana ara-pinoana iray . Alohan’ny hanekena fampianarana
na fitsipika iray dia tokony hitaky ny “ Izao no lazain’i Jehovah ”mazava ho
enti- manohana izany isika . » Hery Mifanandrina p 621
10. - Ahoana no fomba
anehoana ny làlan’ny famonjena ao anatin’ny Baiboly ? Firy ny olona izay hizotra manaraka an’io lalana io ? Matio 7 : 13-14 ; Jeremia 21 : 8
«Ny Tompo dia mametra eo
anoloan’ny olombelona ny fiainana sy ny fahafatesana . Afaka misafidy tsara
izay halehany ny olona tsirairay. Olona maro no maniry ny fiainana , kanefa
mitohy manaraka an’ilay lalana malalaka . Izy ireo dia misafidy ny hikomy
hanohitra ny fitondram-panjakan’Andriamanitra, na dia eo aza ilay famindram-po
tsy manam-petra , sy ilay fangoraham-po lehiben’Andriamanitra . Tamin’ny
nanomezany ny Zanany lahy tokana mba ho faty ho azy ireo . Izay misafidy ny tsy
hanaiky ny famonjena azo tamin’ny vidiny tena lafo indrindra , dia tsy maintsy
iharan’ny sazy … Aorianan’ny fandringanana ny ratsy fanahy , ireo andian-tafika
rehetra any an-danitra dia hiteny manao hoe “ Amen! ” Premiers Ecrits p 221
«Misy olona an’arivony maro
mandroso manaraka ny làlan’ny aizina sy ny làlan’ny fahadisoan-kevitra , ilay
làlana malalaka mitondra ho amin’ny
fahafatesana , ary izy ireo dia mandoka tena fa hoe eo amin’ny làlan’ny
fahasambarana sy ny làlan’ny lanitra . Kanefa izy ireo dia tsy hahita na oviana
na oviana ny fahasambarana na ny lanitra .» Testimonies for the Church vol 3 p 438
«Raha ohatra isika
mandray an’i Kristy ho mpitari-dàlana antsika , Izy dia hitarika antsika
amin’ny fomba tsy misy ahiahy ho eo amin’ilay làlana tery . Na dia feno vato sy
fahasahiranana aza io làlana io , na dia mideza sy mahatahotra aza ny fiakarana
aminy , na dia misy hantsana aza manery antsika eo amin’ny ankavia sy
ankavanana , dia voatery tsy maintsy manohy isika na dia eo aza ny harerahana ,
na dia efa saika torana aza isika , dia tsy maintsy miady . Na dia kivy aza
isika dia tsy maintsy manantena . Raha manana an’i Kristy ho mpitari-dàlana
isika , dia tsy ho very hiala amintsika mihitsy ny fahatratrarana ny lanitra» Our father Cares pp 134-135
Aucun commentaire:
Enregistrer un commentaire