“Tsy Israelita
io vehivavy io . Tsy mba nanana ny tombotsoa sy ny fitahiana nomena ny vahoaka
voafidin’I Tsitoha na oviana na oviana izy . Nefa nino an’I Tsitoha marina izy
ary nandeha tamin’ny fahazavana izay nitsilo ny diany . Ary ankehitriny , raha
tsy misy fiarovana azo antoka intsony ao Israely , dia nirahin’I Tsitoha ho any
amin’io vehivavy io ilay mpaminany mba hahita fialofana ao aminy . Dia niainga
izy ka nankany Zarefata . Ary nony teo ambavahadin’ny tanàna izy dia indro nisy
vehivavy mpitondra tena nanangona kitay hazo teo , ary niantso azy Elia ka
nanao hoe : Masina ianao , itondray rano kely amin’ny fisotroana aho mba
hosotroiko . Ary nony lasa naka ravehivavy , dia niantso azy Elia ka nanao hoe
: Masina ianao , itondray mofo kely koa
eny an-tànanao aho” . Mpaminany
sy Mpanjaka p 103
HAFATRA
ANANKIRAY IZAY MAHAKASIKA IHANY KOA AN’ILAY MPITONDRA HAFATRA
1.- Inona ilay
hafatra mahery avy tamin’I Tsitoha izay nentin’i Elia ho an’ilay mpanjakan’ny
Israely izay nihemotra , dia i Ahaba izany ?
Fomba ahoana no nahatonga an’io mpaminany io ho afaka nanambara fa tsy
hisy orana mihintsy raha tsy amin’ny alalan’ny teniny ? I Mpanjaka 17 : 1
“Ny fanahy mahatoky nananan’i Elia dia
ory tokoa . Niakatra ny fahatezeran’i Elia noho ny fanoherana ny fahamarinana ,
ary nitandro ny voninahitr’I Tsitoha izy . Hitany fa ny Israely dia tafalatsaka
tao anatin’ny fihemorana mahatsiravina . Ary rehefa nampahatsiahiviny ireo
zavatra lehibe nataon’I Tsitoha ho azy ireo , dia trotraky ny alahelo sy ny
fahatairana izy , ary leo io zava-misy io . Kanefa ireo zava-dehiba nataon’I
Tsitoha ireo dia hadinon’ny akamaroan’ny vahoaka . Elia dia nakeo anantrehan’I
Tsitoha ary tao anatin’ny fanahihy triatran’ny tebiteby , izy dia nitalaho
tamin’I Tsitoha mba hamonjy ny vahoakany raha ohatra ka tsy maintsy hisy ny
fitsarana . Nangataka mafy tamin’I Tsitoha izy mba tsy hirotsahan’ny ando sy ny
ranonorana eo amin’ilay vahoakany tsy mahay mankasitraka , dia ireo rakitra
soan’ny lanitra , ka mba hahatonga an’io Israely nihemotra io hahita fa , ireo i
Tsitoha izay tompoin’izy ireo , ireo
sampy vita amin’ny volamena , amin’ny hazo sy ny vato , ny masoandro sy ny volana aman-kintana izay ivavahany , dia tsy
mahavita na inona na inona hanondraka sy hampahalonaka ny tany , ka
hampahavokatra be dia be io tany io . Niteny tamin’i Elia I Tsitoha fa
nohenoiny ny vavaka nataony , ka ho sakanany ny ando sy ny orana mba tsy
hirotsaka eo amin’ilay vahoakany ambaram-pahatongan’io vahoaka io hitodika
Aminy amim-pibebahana” . Testimonies for
the church vol 3 p 263
NITOETRA
IRERY SY NAROVANA
2.- Koa satria
notandindomin-doza ilay mpaminany taorian’io fanambarana io , inona no baiko
nomen’I Tsitoha azy ? Hafiriana no nijanonan’i Elia teo amoron’ny renirano
Kerita , tao anatin’ny fitokisana feno antran’I Tsitoha ? I Mpanjaka 17 : 2 – 6
“Finoana mahery
vaika ny Tenin’I Tsitoha tsy mety diso ihany no nahafahan’i Elia nanambara ny
hafatra nentiny . Raha tsy natoky tanteraka an’Ilay tompoiny izy , dia tsy ho
sahy na oviana na oviana hiseho teo anantrehan’i Ahaba ... Niaiky tanteraka izy
fa I Tsitoha efa nanampa-kevitra hampietry ny fanjakan’Israely nihemotra , ary
amin’ny alalan’ny famaizana no hitarihana azy ho amin’ny fibebahana .
Voatolotra ilay baikon’I Tsitoha ary tsy ho diso ny Teniny . Ka tamin’ny
fanaovan’i Elia ny ainy tsy ho zavatra no nanefany ny iraka nampanaovina azy . Nidona tao antsofin’ilay mpanjaka ratsy
fanahy toy ny kotro-baratra teny amin’ny lanitra manga ny vaovao momba ny
famaizana efa nihatra tamin’ny Israely . Kanefa talohan’ny nahatsiarovany tena
avy tao amin’ny naha ankona azy teo sy nahafahany nanome valinteny , dia efa
lasa haingana tahaka izay nataony tamin’ny fisehoany Elia , fa tsy niandry ny
vokatra nateraky ny hafatra nolazainy . Nialoha lalana azy I Tsitoha hahamora
ny alehany . Miantsinanàna , ka miere any anilan’ny renirano Kerita , izay any
antsinanan’i Jordana ianao . Koa ny reniorano no hosotroinao ary ny goaika efa
nodidiako hamelona anao any” . Mpaminany sy Mpanjaka p 97
“Niery tany an-tendrombohitra
teo anilan’ny renirano Kerita nandritra ny fotoana vitsivitsy i Elia . Nandritra
ny volana vitsivitsy dia novelomina tamin’ny fomba mahagaga tany izy . Rehefa
afaka izany dia nodidian’ny Tompo ny mpanompony hankany amin’ny tany iray misy
fanompoan-tsampy , fa mbola nitohy ny hain-tany ary maina ny renirano . Miainga
hoy Izy taminy , ka mankanesa any Zarefata izay naman’i Sidona , ary mitoera
any , fa indro misy vehivavy mpitondratena any izay notendreko hamelona anao” . Mpaminany sy Mpanjaka p 103
NALEFA NANKANY AMIN’NY VEHIVAVY MPITONDRA-TENA MAHANTRA ANANKIRAY i
ELIA REHEFA TAO ANATIN’NY TSY FISIANA
3.- Rehefa
najanon’ilay hain-tany ny fitsororiky ny renirano dia nalefa taiza i Elia ? Iza
no nasaina namatsy sakafo azy tamin’io fotoan- tsarotra io ? I Mpanjaka 17 : 7
– 9
“Fantatr’I Tsitoha fa tsy misy
fiarovana amin’ny loza mihintsy ho an’ilay mpanompony eo anivon’ireo
zanak’Israely . I Tsitoha dia tsy nanankina an’io mpanompony io tamin’ny
Israely izay nihemotra , fa kosa nesoriny niala teo aminy mba hahita toerana hialofana any amin’ny firenena
jentilisa anankiray . I Tsitoha dia nitarika an’i Elia ho eo amin’ny vehivavy
mpitondra tena iray , izay tena tao anatin’ny fahantrana lehibe tokoa . Hany ka
zara raha afaka nikarakara ny fiainany tamin’ny sakafo maivana indrindra .
Vehivavy jentilisa anankiray izay nampiseho tena fa mahatakatra ny fahazavana
tsara indrindra nananany , no teo amin’ny fitoerana tsara indrindra teo
anantrehan’I Tsitoha , mihoatra noho ireo mpitondrantena teo amin’ny Israely
izay nahazo an’ireo fitahiana niaraka tamin’ny tombontsoa manokana sy
fahazavana lehibe , kanefa tsy niaina araka ny fahavana izay nomen’I Tsitoha
azy ireo . Koa satria ireo Hebreo dia nitsipaka ny fahazavana , noho izany ,
tafahitsoka tao anatin’ny haizina izy ireo , ary I Tsitoha dia tsy hanankina
mihintsy an’ilay mpanompony amin’io vahoakany io izay mihantsy ny fahatezeran’I
Tsitoha” . Tastimonies for the Church
vol ,p …
4.- Hatraiza
no fatran’ny maha tena kely ny hanina izay nananan’io mpitondra tena io ? Inona
no fitoetra tena tsy misy fanantenana izay nasehon’ilay valinteny nomeny an’i
Elia ? I Mpanjaka 17 : 10 – 12
“Tao amin’io
tokantrano zohim-pahantrana io dia tsapa ho namely mafy tokoa ny mosary ary efa
eo an-dalam-pahalaniana no fahitana ny fivelomana viviny dia viviny nananan’ilay
mpitondratena . Ny fahatongavan’i Elia tamin’ny fotoana indrindra izay
nanontaniany tena tamim-pitebitebena na tokony handao ny adiny izy na tsia , no
nampandalo fizahan-toetra lehibe ny finoan’ity vehivavy mahantra ity izay
nitoky tamin’ny herin’I Tsitoha velona hiahy ny fiainany”... Mpaminany sy Mpanjaka pp 103 - 104
JENTILISA
KANEFA NANIRY NY HINO SY HANKATOA
5.- Moa ve io
mpitondra tena tao Zarefata io naniry ny hanome hanina sy rano ho an’ilay
mpanompon’I Tsitoha ? Rehefa naverimberin’i Elia ny fangatahany , sady
nanambara ny teny fikasana avy amin’I Tsitoha ho an’io vehivavy io izy , moa ve
notsipahan-dravehivavy ilay hafatra avy amin’I Tsitoha sa ninoany ? I Mpanjaka
17 : 13 – 14
…“Kanefa na dia teo amin’ny
fahoriana mangidy indrindra aza , dia nampiseho ny finoany izy , ka nanaiky ny
fangatahan’ilay vahiny hizara aminy ny sombimofo farany nananany” . Mpaminany sy Mpanjaka p 104
ILAY
VALIN’TENY TEO NO HO EO NOMEN’I TSITOHA
6.- Rehefa
nanaiky sy nankatoa ny tenin’I Tsitoha tamin’ny alalan’ny finoana ilay
mpitondra tena , inona no fahagagana izay niseho taminy isan’andro nandritra ny
fotoana lava dia lava tokoa ? I Mpanjaka 17 : 15
...“Fa izao no lazain’i
Jehovah Andriamanitry ny israely : Tsy ho lany ny koba ao amin’ny barika , ary
tsy ho ritra ny diloilo ao amin’ny
tavoara mandra-piavin’ny andro handatsahan’i Jehovah ranonorana amin’ny tany .
Tsy misy finoana na dia iray aza afaka hozahan-toetra tahaka izany .
Tamim-pahalemem-panahy sy fahafoizana be no nandraisan’ilay mpitondra tena ny
vahininy rehetra hatramin’izay . Ankehitriny dia mametraka ny fitokisany
amin’ny Andriamanitry ny Israely izay miahy ny ilainy rehetra izy , ka tsy
nanana ahiahy akory ny amin’izay fijaliana mety haterak’izany fihetsika izany ,
na ho an’ny tenany na ho an-janany lahy , ka dia nandray vahiny tamim-pahalalam-pomba
tokoa ary nanao araka ny tenin’i Jehovah naloaky ny vavan’i Elia” . Mpaminany
sy Mpanjaka p 104
“Ilay I Tsitoha izay nikarakara an’i
Elia tamin’ny fotoana nisian’ny mosary , dia tsy handalo fotsiny an’ireo zanany
izay manao fandavan-tena . Ilay anankiray Izay manisa ny volo eo amin’ny
lohan’izy ireo , dia hikarakara azy , ary eo amin’ny fotoana izay hisian’ny
mosary , dia ho afa-po izy ireo . Raha ireo mpankahala fivavahana maty eo
amin’ny manodidina an’ireo zanak’Andriamanita ireo , noho ny tsy fisian’ny mofo
, dia azo antoka kosa fa hisy ny mofo sy ny rano ho an’ireo zanany . Ireo izay
mbola mamikitra amin’ny haren’ny
tany , ary tsy mampiasa tsara an’ireo zavatra izay nampindramin’I
Tsitoha azy , dia ho very hiala amin’izy ireo ny harenany any an-danitra , ho
veriny ny fiainana mandrakizay” . Testimonies
for the Church vol 1 pp 173 – 174
7.- Na dia teo aza ilay
enta-mavesatra fanampiny vokatry ny fisian’ilay mpaminany izay nampitombo ny
isan’ny olona tao an-tranony , inona no tonga tamin’ilay tahirin-kanina izay
nananan’ilay mpitondra tena ? Araka ireo teny nataon’i Jesosy , nahoana i Elia no nalefa tany amin’ny mpitondratena teo
amin’ny jentilisa ? I Mpanjaka 17 : 16 ; Lioka 4 : 23 – 26
“Tsy misy finoana na dia iray aza
afaka hozahan-toetra tahaka izany . Tamim-pahalemem-panahy sy fahafoizana be no
nadraisan’ilay mpitondratena ny vahininy rehetra hatramin’izay . Ankehitriny
dia mametraka ny fitokisany amin’ny Andriamanitry ny Israely izay miahy ny
ilainy rehetra izy , ka tsy nanana ahiahy akory ny amin’izay fijaliana mety
haterak’izany fihetsika izany , na ho an’ny tenany , na ho an-janany lahy , ka
dia nandray vahiny tamim-pahalalaham-po tokoa ary nanao araka ny tenin’i
Jehovah naloaky ny vavan’i Elia” .
Minany sy Mpanjaka p 104
8.- Inona no
lesona mahatalanjona izay azontsika ianarana avy amin’ny finoan’io vehivavy io
? Ianareo ve maniry ny hampihatra an’io fitsipika nampianarin’ny mpaminany io ?
Lioka 6 : 38 ; Matio 10 : 41
“Nizara ny
sombimofo tamin’i Elia ilay mpitondratena tany Zarefata , ary ho setrin’izany
dia voavonjy ny ain’izy mianaka . Nampanantena fitahiana safononoka ho an’izay
rehetra miara-miory sy manohana ireo tsy nambinina noho ny tenany ny Tompo .
Tsy manam-piovana Izy . Ankehitriny dia tsy latsa-danja noho ny tamin’ny
andron’i Elia akory ny heriny . Ny teny fikasana nomen’ny Mpamonjy manao hoe :
Izay mandray mpaminany , satria mpaminany izy , dia handray ny valim-pitian’ny
mpaninany . Dia mbola azo antoka tahaka ny tamin’ny andro nanaovana azy ihany
koa” .
Mpaminany sy Mpanjaka p 105
Mba ho saintsainina lalina
“Inona no zavatra izay hita teo
noho eo tao anatin’ny fitondran’I Tsitoha an’i Elia , izay tsy nisy hetsika
niarahany nanao tamin’ny olonkafa ? Moa ve I Tsitoha dia nizaha toetra an’i
Ahaba mpanjaka sy ireo Israelita fotsiny ihany , sa koa nizaha toetra an’i Elia
mpanompony ihany koa ? Raha ilay mpitondra tena nahantra tamin’ny zavatra
ara-nofo , amin’ny lafiny inona kosa no maha mpanankarena azy” ?
Ho dinihana lalindalina kokoa
Ohabolana 19 : 17 ; Lioka 6 : 38
“Indro ny valisoa ho an’ireo izay
mahafoy tena ho an’I Tsitoha . Izy ireo dia mandray zato heny eto amin’izao
fiainana izao , ary handova ny fiainana mandrakizay . Kanefa kosa , hitako fa
maro amin’ireo izay voalohany no ho lasa farany , ary ireo farany ho tonga
voalohany . Naseho ahy ireo izay nandray ny fahamarinana kanefa tsy miaina
amin’izany . Izy dia mamikitra amin’ireo fananany , ary tsy maniry ny hizara ny
harenany mba hampandrosoana ny asan’I Tsitoha . Noho izany dia tsy manana
finoana mba hirotsaka hametraka ny fitokisany amin’I Tsitoha izy . Ny fitiavany
an’izao tontolo izao no mitelina ny finoany . I Tsitoha dia nangataka ny
ampahan’ny harenany , kanefa tsy noraharahiany izany , ary izy ireo dia mijoro
amin’ny foto-kevitra hoe : Satria niasa mafy tokoa aho mba hahazoako an’ireo
fananako ireo , ka tsy afaka mampindrana izany amin’I Tsitoha , satria mety ho
latsaka ao anatin’ny fahasahiranana . Ry olona kely finoana ! Ilay I Tsitoha
izay nikarakara an’i Elia tamin’ny fotoana nisian’ny mosary dia tsy handalo
fotsiny amin’ireo zanany , na iza na iza , izay mampihatra ny fandavan-tena” . Spiritual Gifts vol 2 p 243
...“Tahaka an’i
Mosesy , tany an’efitra Sinay , sy tahaka an’i Davida tany amin’ny havoanan’i
Jodia , na i Elia teo amoron’ny renirano Kerita , dia nilain’ny mpianatra ny
hiala amin’ny fiasany mafy nahabe raharaha azy , ka hisinda kely mba hanana
firaisana amin’i Messiah sy ny
zava-boahary , ary amin’ny fon’ny tenany koa aza”. Ilay
Fitiavana Mandresy p 380
Aucun commentaire:
Enregistrer un commentaire