“Rehefa mandray ny fampianaran’ny Baiboly ireo fanahy izay liana
amin’izany , kanefa io fampianarana io dia raisina ho toy ny hoe
fampahafantarana zavatra tsara sy fotom-pampianarana mahafinaritra , ka tsy
misy hery miasa amin’ny saina sy ny fomba fiaina arahin’ilay mpianatra , inona
no fehin-kevitra izay azo tsoahana amin’izany ? Raha ohatra ka nomena ny fotoana mba
hieritreretana , kanefa tsy misy
mihintsy ny fahalianana eo amin’ny ara-panahy sady tsy misy fanandramam-pinoana
atao , inona no tsy maintsy eritreretintsika ? Raha ohatra ireo mpianatra
Baiboly ka mitoetra ho toy ny mpijery fampisehoana izay toa maharavoravo eo
ampihainoana mozika mahafinaritra , ary rehefa avy eo dia mandre eo amin’ny
manodidina ny zavatra rehetra izay naseho tao amin’ny fampisehoana , moa ve ireo mpianatra Baiboly ireo hahazo
tombontsoa ? Moa ve ny hazo anankiray izay tsy mamoa mba manana tombam-bidiny ?
Inona no tsy maintsy mihatra amin’ny voan-javatra anankiray alohan’ny
hahafahany mamokatra voa tsara ? Inona ilay hery ara-panahy izay mahatonga ny
hoe : Zavatra azo heverina ho an’ny olona iray ny hananany fanandramana
ara-panahy miaraka amin’Andriamanitra sy miaraka amin’ny olona ? Ny soratra
Masina dia manambara fa : ‘Ny finoana no
fahatokiana ny amin’ny zavatra antenaina , fanehoana ny zavatra tsy hita’ Hebreo 11 : 1 . Eo amin’ny fiainana
ara-panahintsika koa : ‘Fa raha tsy
amin’ny finoana , dia tsy misy azo atao hahazoana sitraka aminy , fa izay
manantona an’Andriamanitra dia tsy maintsy mino fa misy Izy sady mpamaly soa
izay mazoto mitady Azy’ Hebreo 11 : 6 . Ny finoana an’i Kristy amin’ny fo mahitsy
marina no ilay hany zavatra tokana izay afaka ananantsika antoka hahatratrarana
ny fidirana ao amin’ilay tanànan’Andriamanitra . Ny finoana an’i Kristy izay
aseho eo amin’ny fiainana sy ny
toetra , voaseho eo amin’ny fitiavana an’Andriamanitra sy ny fitiavana
an’ireo rahalahintsika , dia mahatonga ny zanak’olombelona ho hery anankiray
eto amin’izao tontolo izao sy ao anatin’ny fiangonana . Izaho dia tena malahelo
mihintsy mahita fa misy olona maro no tsy manana an’io finoana sy fitiavana io
. Satria ireo no famantarana ny maha
kristiana , ireo no vavolombelona manambara fa isika dia zanak’Andriamanitra .
Ny tena finoana marina an’i kristy dia hamonjy an’ireo izay miverina ho
amin’ny fahotana indray mba ho
afaka amin’ny fisafotofotoana misy eto
amin’izao tontolo izao , ary mampiditra
azy ireo isanandro ho amin’ny fanompoana , ary izany dia hitahiry an’ireo
rahalahiny ireo mba tsy ho lavo indray . Izany no asa izay takian’Andriamanitra
mba hataon’ny fanahy tsirairay”.
Lake Union Herald 17 Novembre
1909
“Kanefa na dia
zavatra tena saro-bidy indrindra eo imason’Andriamanitra aza io finoana tena
marina io , dia tonga miha mahalana hatrany izany eo amin’ny fotoana izay efa
miha manakaiky ny fiafaran’izao tonolo izao . Jesosy dia nahafantatra fa ho
tonga io fihenan’ny finoana tena marina io , ka indray andro izy dia niteny
nanao hoe : ‘Lazaiko aminareo fa homeny rariny faingana izy . Kanefa raha avy
ny Zanak’olona , moa hahita finoana ety ambonin’ny tany va izy’ ? Lioka 18 : 8 . Izany dia maneho fa ,
arakaraka ny fandrosoan’ny fotoana , dia miha mihena ny fisian’ny finoana
marina , satria ny olona dia mandeha amin’ny lalana diso rehefa tsy manana
an’io finoana io . ‘Fa ny fitiavam-bola no fototry ny ratsy rehetra , koa ny
sasany izay fatra-pitady izany dia efa voavily niala tamin’ny finoana ka
nanindrona ny tenany tamin’ny alahelo be , izay neken’ny sasany , ka nania
tamin’ny finoana izy’ . ‘Fa ny Fanahy milaza marina fa amin’ny andro aoriana
dia hihemotra amin’ny finoana ny sasany , manaiky fanahy mamitaka sy
fampianaran’ny demonia’ I Timoty 6 : 10 ; 4 : 1 . Noho izany ,
aoka tsy ho hadinontsika ny finoana dia ho saro-bidy kokoa mihoatra noho ny volamena
mety simba isika . Ary koa aoka tsy ho hadinontsika ny zavatra izay tsy maintsy
ilaintsika mihoatra noho ny zavatra rehetra , dia ny finoana tena marina . ‘Fa
ao amin’i Kristy Jesosy dia tsy mahasoa na ny famorana na ny tsy famorana , fa
ny finoana izay miasa amin’ny fitiavana’ Galatiana
5 : 6 . Rehefa misambotra an’io fitahiana io ny finoana , dia voaray ny tombontsoa ara-panahy izay
tena lahibe indrindra . Kanefa moa dia matetika loatra io zava-tsoa io no atao
ambanin-javatra . Tsy maintsy ilaintsika ny manokatra ny fahaizana
mahataka-javatra ananantsika mba hahafantarana tsara ny tombambidin’io
zava-tsoa io” ... Vous Recevez une Puissance p 284 .
“Ny fihainoana
fotsiny ny hafatra , tsy miaraka amin’ny fanovana an’io hafatra io ho tonga
fanandramana velona eo amin’ny fiainana , dia tsy misy dikany . Ny Tompo, dia
manasa antsika mba hanaovantsika izay hahatonga ny hafatr’Andriamanitra izay
alefany ho misy vokatra eo amin’ny fiainantsika amin’ny alalan’ny finoana . Izy
dia miteny amintsika manao hoe : ‘Izay rehetra manantona Ahy sy mandre ny
teniko ka mankatoa azy , dia hasehoko aminareo izay tahaka azy . Tahaka ny
olona nanao trano izy , izay nihady lalina ary nanisy fanorenana teo ambonin’ny
vatolampy , ary nony tondraka ny rano , dia namely mafy izany tano izany ny
riaka , nefa tsy nahahozongozona azy , satria tsara fanorenana izy . Fa izay
mandre , fa tsy mankatoa , dia tahaka ny olona izay nanao trano teo ambonin’ny
tany , fa tsy nanisy fanorenana , dia namely azy mafy ny riaka , ka dia
nirodana niaraka tamin’izay izy , ary loza ny naharavan’izany trano izany” Lioka 6 : 47 – 49 .
“Ireo lesona
amin’ity telo volana ity dia miandraikitra ny raharaha mikasika an’ilay finoana
sarobidy . Voalohany indrindra , amin’ny maha fahatokiana ny Tompo sy ireo teny
fikasana nomeny momba io finoana saro-bidy io , ary koa amin’ny maha
fanandramana velona azy io . Rehefa ianarantsika ny lesona tsirairay , dia ho
hitantsika fa ireo lehilahy sy vehivavy izay niaina tamin’ny vanim-potoana
samihafa , izay nandray fanabeazana sy kolo-tsaina samihafa , no nanana
fiainana vaovao ka tonga fahasalamana , famonjena , ary fandresena ho azy izany
. Lehilahy sy vehivavy maro tahaka antsika , izay nanana fahalemena maro mitovy
amin’ireo fahalemen-tsika sy nanana zavatra nilaina maro mitovy amin’ireo izay
ilaintsika , na dia teo aza ny zavatra maro samihafa izay niainany tamin’ny
lasa , ireo olona ireo dia nanana fanandramam-pinoana , dia fanandramana maro
feno fitahiana izay nisy vokany miasa teo amin’ny fiainan’izy ireo ho amin’ny
mandrakizay . Ny finoana tena marina dia ny finoana izay miasa amin’ny
fitiavana sy manadio ny fanahy . Ny finoana velona dia finoana miasa. Moa ve
isika tokony handeha ao amin’ny saha raha tsy mahita voan-kazo ao anatin’ireo
zava-maniry ao , tsy mahita hatsiatsiaka mihintsy eo amin’ireo ravinkazo ao ,
tsy mahita mihintsy voay na dia iray aza, tsy mahita mihintsy felam-boninkazo
mivelatra na dia iray aza , tsy mahita mihintsy famantarana izay maneho fa misy aina ao anatin’ireo
rantsan-kazo ireo , dia hiteny manao hoe isika : Maty ireo zava-maniry ireo .
Andeha hongotantsika izy mba hiala ato anatin’ny saha ato . Satria izy ireo dia
mitondra harantsian-tarehy ho an’ny ampahan-tany izay misy azy ireo . Toy izany
no ho tonga amin’ireo izay milaza fa mpanaraka ny fivavahana kristiana , kanefa
tsy manana fiainam-panahy na dia kely aza . Raha ohatra izy ireo tsy maneho
famantarana momba ny fahatanjahana ara-pivavahana , raha toa ka tsy misy na dia
kely aza ny fampiharana an’ireo didin’Andriamanitra , dia miharihary fa ireo
olona ireo dia tsy mitoetra ao amin’i Krsty , dia Ilay tena voaloboka velona” .
Sons and Daughter of God p 71
“Zavatra tsy azo
avela ny fananana finoana an’i Jesosy , ny finoana fa isika dia voavonjy
amin’ny alalan’i Jesosy ... Ny finoana sy ny asa dia mandeha miaraka , mino sy
manao zavatra anakiroa izay tsy azo sarahana”. Messages Choisis vol 1 p 438
“Rehefa ny finoana
mandray ny fanohanana avy amin’i Kristy , rehefa ny fahamarinana manome ny
fahafinaretana ho an’ny fanahy isan’andro , ianareo dia hahatratra fanandramana
feno zava-tsoa sy be vidy avy amin’ny alalan’ny fampiharana ny fivavahana
kristiana” . Témoignage pour l’Eglise
vol 3 p 78
“Rehefa velona ny
finoana , dia vokatra maro no miseho sy mitsiry . Ny tena fivavahana marina dia
ny fampiharana an’ireo tenin’ny Mpamonjy , tsy hoe mikendry ny hisintona ho eo
amin’ny tenentsika ilay fitia asehon’Andriamanitra , fa kosa , satria na dia eo
aza ny tsy fahamendrehan-tsika , isika dia nandray sy nanaiky ny fanomezan’ny
fitiavany . Kristy dia tsy manao ny famonjena ny olona iray hoe miankina
amin’ireo fikendrena izay ananan’io olona io , fa kosa miankina amin’ny finoana
izay asehony amin’ny alalan’ireo asa ataony . Asa fa tsy hoe teny fotsiny ihany
, izany no angatahin’i Jesosy amin’ireo mpianany . Ao anatin’ny hetsika
ataon’ny olona no hamolavolan’io olona io ny toetrany . ‘Fa izay tarihin’ny
Fanahin’Andriamanitra no zanak’Andriamanitra’ Romana 8 : 14 . Fa tsy ireo izay manaiky ho fehezin’ny herin’io
Fanahin’Andriamanitra io tsindraindray fotsiny rehefa voakasik’io Fanahy io izy
, fa kosa ireo izay manao hetsika vokatry ny tolo-tsaina avy amin’io
fanahin’Andriamanitra io” . Unne Vie
Meilleure p 170
Aucun commentaire:
Enregistrer un commentaire