NYZAVA-MIAFIN'NY TSY FAHAMARINANA

 Aza mety ho fitahin’ny olona akory ianareo; fa tsy ho avy izany, raha tsy efa tonga aloha ny fihemorana, ka hiseho ilay lehilahin’ota, dia ilay zanaky ny fahaverezana. »II Tesaloninana 2 : 3

IREO IZAY MPIANDANY AMIN’ ILAY MPITSIPAKA NY FIVAVAHANA MARINA

1-Inona ilay vondrona ampiasain’ i Satana mba handravany ny lalàn’ Andriamanitra sy ny fiangonana? IITesaloniana 2: 3, 4; Daniela 7: 8.

 

« Manana vondrona lehibe Satana ary manana ny fiangonany koa. Miantso an’ io vondrona io hoe synagogan’ i Satana Kristy satria ireo mambra ao dia zanaky ny fahotana. Ireo mambran’ ny fiangonan’ i Satana dia tefena mandrakariva mba handrava ny lalàn’ Andriamanitra sy mba hampisafotofoto ny sain’ ny olona mba tsy hahay hanavaka ny tsara sy ny ratsy. Satana dia miasa amin-kery lehibe ao anatin’ ireo vondrony sy amin’ ny alalan’ ireo, mba hanandratra ho fahamarinana sy hitsim-po ny fivadiana sy ny fitsipahana ny fivavahana marina. Amin’ izao fotoana izao ny herin’ ny tolo-tsaina satanika feno hasomparana dia mampiasa olona maro ho fitaovana velona mba hampandaitra an’ ilay fikomiana lehibe manohitra an’ Andrimanitra dia ilay fikomiana izay nanomboka tany an-danitra. » Témoignages pour les pasteurs, p. 1

2-Araka izay voalazan’ ny faminaniana, inona no ataon’ i Satana amin’ ny alalan’ ny ireo fitaovany ireo? Apokalipsy 12 : 13, 14 ; Daniela 8 : 12, 13.

« Vokatry ny fivadihana tamin’ ny fivavahana marina, ireo olona lavo sy ireo anjely dia niray tao anatin’ ny teti-dratsy iray, mba hiasa hanohitra ny tsara. Izy ireo dia mitambatra ao anatin’ ny fikambanana mamoy fo. Miaraka amin’ ny fanampian’ ireo anjely ratsy fanahy, Satana dia miezaka manao fifanarahana amin’ ny olona maro izay milaza marimarina fa tia vavaka ary apetrany ho toy izany izy ireo ao anatin’ ny fiangonanan’ Andriamanitra. (RH 14 /09/1897)-Commentaires Bibliques, p. 138.

«Araka ny faminaniana dia tena narefarefan’ ny fitondrana papaly tamin’ ny tany ny fahamarinana. Napetrena tanteraka ny lalàn’ Andriamanitra ary nisolo toerana azy ny fomba sy ny fahazarana napetraky ny olombelona. » Hery mifanandrina, p. 67

3-Inona ilay drafitr’ asa izay nohezahin’ i Satana mandrakariva ho tanterahina amin’ ny alalàn’ ireo mpiandraiki-draharahany? Daniela 7: 25.

« Ny Tompo dia efa naneho mazava tsara ny làlana mankany amin’ ilay tanànan’ Andriamanitra kanefa ilay mpitsipaka lehibe mpanohitra ny fivavahana marina dia nanova ny famantarana marina ka nosoloiny tamin’ ny famantarana diso : dia ny sabata izay nalaina tahaka tamin’ ilay nataon’ Andriamanitra tamin’ ny voalohany mba hamitahana ny olona. Io mpanohitra lehibe io dia manambara manao hoe: « hanao hetsika hanohitra an’ Andriamanitra aho. Homeko ny fahefako ilay irako ho mpisolo tena ahy, dia ilay lehiben’ ota, mba handrodanany ilay tsangam-bato fahatsiarovana naorin’ Andriamanitra: dia ny sabatan’ ny andro faha-fito. Amin’ izany fomba izany dia hoporofoiko amin’ izao tontolo izao fa ilay andro izay nohamasinin’ Andriamanitra sy ny notahiany dia efa novaina. Io andro io dia tsy hitoetra ao an-tsain’ ny olona. Ho fafako ny fahatsiarovana io andro io. Eo amin’ ny toeran’ io andro io dia hametrahako andro iray izay tsy manana ny taratasy fanomezam-pahefana avy any an-danitra, andro iray izay tsy ho afaka ny ho famantarana eo amin’ Andriamanitra sy ny vahoakany. Hataoko ny hezaka rehetra mba hahatonga ny olona hanaiky an’ io andro io amin’ ny alàlan’ ny fandraiketako ho an’ io andro io ny fahamasinana izay napetrak’ Andriamanitra eo amin’ ny andro faha-fito. Hanandratra ny tenako amin’ ny alalan’ ilay solon-tenako aho… dia amin’ ny alalan’ ny fandikana ny sabata izay naorin’ Andriamanitra, dia hataoko izay hahatonga ny lalàny ho atao tsinontsinona. » (RH 17/04/1900) » Commentaires bibliques, p. 170.

MANDOTO NY FITOERANA MASINA

4-Nanomboka teo amin’ ny fotoana izay nahataperan’ ireo fombam-pivavahana fanao tao amin’ ny fitoerana masina teto an-tany rehefa maty Kristy, inona ilay fitoerana masina izay « voahitsaka » ka ho diovina aorian’ ny 2300 andro? Matio 27: 51; Hebreo 9: 24; Daniela 8: 13, 14.

“Raha fintinina dia narafitr’ I Mosesy “araka ny endrika izay efa hitany” ny fitoerana masina teto an-tany. Nolazain’ ny apostoly Paoly fa “ny tabernakely sy ny fanaka rehetra enti-manao fanompoam-pivavahana,” dia tandindon’ ny “tena fitoerana masina any an-danitra”. Nolazain’ I Jaona tamintsika fa naseho ny tena zavatra lehibe izay nanaovan’ I Jesosy ny asa nanirahana Azy ho antsika ka ny fitoerana masina naorin’ I Mosesy no sary bitika nenti-naneho izany.” - Patriarka sy Mpaminany, p. 329

« Ny teny hoe ‘fitoerana masina’, araka ny ampiasaina ao amin’ ny baiboly dia voalohany milaza ny ‘tabernakely’ any an-danitra, izay tondroin’ ny fitoerana masina teto an-tany. Nifarana tamin’ ny fahafatesan’ i Kristy ny fanompoam-pivavahana tandindona. Ilay ‘tena tabernakely’ any an-danitra no fitoerana masin’ ny fanekena vaovao. Ary satria tanteraka io fanekena vaovao io, ny faminaniana ao amin’ i Daniela 8: 14, dia ny fitoerana masin’ ny fanekena vaovao no tsy maintsy lazaina ao. Tamin’ ny fiafaran’ ny 2300 andro, izany hoe tamin’ ny 1844, dia efa taon-jato maro no tsy nisian’ ny fitoerana masina any an-danitra, ny faminaniana hoe: « telon-jato sy roa arivo andro: rehefa afaka izany dia hodiovina ny fitoerana masina. » -  Hery Mifanandrina, p. 452

5-Ahoana ny fomba nanitsahan’ i Satana ny fitoerana masina tany an-danitra tamin’ ny alalan’ ireo mpiasany sy ny fomba niadiany hanoherana an’ Andriamanitra? Daniela 8: 11, 12.

« Ny fiakaran’ ny fiangonan’ i Roma eo amin’ ny fahefany no nanamarika ny fiantombohan’ ny Andro Antenatenany rakotra haizina. Arakaraka ny nitombohan’ ny heriny no nampikitroka ny haizina. Nalàna tamin’ i Kristy ilay tena fanorenana ny finoana ka nafindra tamin’ ny papan’ i Roma. Tsy nahatoky ny Zanak’ Andrimanitra ny olona mba ahazoany famelan-keloka sy fiainana mandrakizay fa ny papa, ny pretra sy ny eveka izay nomeny fahefana no jereny. Nampianarina ny olona fa ny papa no mpanelanelana azy eto an-tany ary tsy misy afaka manatona an’ Andriamanitra raha tsy amin’ ny alàlany, ary mihoatra noho izany dia nampianarina azy fa mitana ny toeran’ Andriamanitra izy ka tsy maintsy hankatoavina. Ny tsy fankatoavana kely foana ny sitrapony dia ampy hahatonga famaizana mafy indrindra hihatra amin’ ny vatana sy ny fanahin’ ny mpandika lalàna … Tsy nampianarina hihevitra ny papa ho mpanelanelana fotsiny izy fa nampianarina koa hahatoky ny asan’ ny tenany ho avotra ny amin’ ny fahotana. » Hery mifandrina, pp. 55, 56

 « Ny fanelanelana izay lazaina fa ataon’ ireo olo-masina no ilay noforonina mihoatra noho ireo fitaka rehetra. Ireo pretra sy ireo mpitarika dia tsy manana zo mihitsy hanelanelana an’ i Kristy sy ireo fanahy izay nanolorany ny ainy ho faty, toy ny hoe ireo pretra ireo sy ireo mpitarika dia nahazo ny fahefana rehetran’ ny Mpamonjy ka afaka mamela ireo fandikan-dalàna sy mamela heloka.” (MS 128, 1897). » Commentaires bibliques, p. 338

« Tamin’ izay dia voavoatra koa ny làlana hidiran’ ny zavatra iray noforonin’ ny mpanompo sampy ataon’ i Roma hoe ‘afo fandiovana’ izay nampivarahontsana ny vahoaka mora ambakaina sady mpinompino foana … Na oviana na oviana hatramin’ izay dia tsy mbola tafakatra tamin’ ny haja sy voninahitra na ny fahefana ambony toy izao ny Fiangonana Romana. » Hery mifanandrina, p. 59

6-Inona no fitaka izay ahelin’ i Satana amin’ izao vanim-potoana misy antsika izao? II Petera 2: 1; Kolosiana 2: 8

« Amin’ ny fotoana ho avy, fahadisoan-kevitra isan-karazany no hita. Noho izany, ny tongontsika dia mila mitoetra eo ambonin’ ny tany mafy. Ary mila manana andry matanjaka sy mitoetra eo amin’ ilay efa voahorona. Tsy misy na dia savily iray aza izay  azo esorina eo amin’ ny zavatra izay naorin’ ny Tompo. Ilay fahavalo dia hampiditra fotom-pampianarana diso maro, isan’ izany ilay fotom-pampianarana izay mampianatra tsy misy fitoerana masina. Izany dia anankiray amin ireo izay mahatonga ny olona hihataka hiala amin ny finoana. Eo amin’ inona moa no hahitantsika toky sy fiarovana mba tsy ho azon-doza raha tsy eo amin ireo fahamarinana izay nampahafantarin’ ny Tompo antsika nandritra ireo dimam-polo taona farany ihany ?« The review and herald, 25 mai 1905 » Evangeliser p.206

« Zava-dehibe eo amin’ ny drafitry ny fanavotana tahaka ny nahafatesan’ i Kristy teo amin’ ny hazo fijaliana ny fifonana hataony any amin’ ny efitra masina any ambony. Tamin’ ny fahafatesany no nanombohany ny asany ary taorian’ ny fitsanganany tamin’ ny maty dia niakatra Izy mba hanatanteraka izany antsakany sy andavany. » Hery Mifandrina p. 505

7-Ahoana no fomba ifamatoran’ny fiangonana eto an-tany sy ny fitoerana masina any an-danitra izay anaovan’ i Jesosy ny asa fanelanelanana? Hebreo 8: 2; 9: 9, 23, 24

« Taorian’ ny niakarany ho any an-danitra ny Mpamonjy vao nitokana ny asa maha-Mpisoronabe na Mpisorona ao amin’ ny fitoerana masina any an-dabitra Azy. Nosoratan’ ny apostoly Paoly fa Jesosy Kristy ‘tsy mba niditra tao amin’ ny fitoerana masina nataon-tànana, izay tandindon’ ny tena fitoerana masina fa ho any an-danitra tokoa, mba hiseho eo anatrehan’ Andrimanitra ankehitriny ho antsika’. Nizara ambaratonga roa lehibe izay samy nisahana fotoana voafaritra tsara natao nifandimby tao amin’ ny efitra voalohany sy faharoa, ao amin’ ny fitoerana masina any an-danitra ny asa nataony. Nitovy tsy nisy nivoasana tamin’ ilay fitoerana masina teto an-tany no natao tao, izany hoe amin’ ny fotoana roa mifanarakaraka: dia ny fanatitra isan’ andro sy ny fanatitra isan-taona ny efitra tsirairay tamin’ ireo efitra anakiroa tao amin’ ny Tabernakely no natokana nanaovana azy avy.”Patriarka sy Mpaminany,pp. 361, 362

« Ny fiangonan’ Andriamanitra eto an-tany dia mitambatra amin’ ilay fiangonan’ Andriamanitra any an-danitra izay vatana iray ihany. Ireo mpino eto an-tany sy ireo zava-manan’ aina any an-danitra izay tsy nanota dia mivondrona ho fiangonana iray ihany. Ireo manan-tsaina rehetra any an-danitra dia fitambaran’ ny olona masina izay manompo an’ Andriamanitra eto amin’ izao tontolo izao. Any amin’ ny kianjan’ ny lanitra any, izy ireo dia manongilan-tsofina mihaino tsara ireo teny ataon’ ireo vavolombelon’ i Kristy izay monina eto an-tany… » Témoignages pour l’ église vol 3, p. 34

MBA HAVERINA IANARANA SY HO SAINTSAININA LALINA

.Inona ilay fanoherana mahatsiravina izay tondroin’ ny zava-miafin’ny tsy fahamarinana.

.Inona no nampiraisin’ ireo mpiandraiki-draharahin’ i Satana mba hanitsakitsahan’ izy ireo ny fitoerana masina any an-danitra?

.Nahoana moa ny filazana fa tsy misy fitoerana masina any an-danitra no tena zavatra mampidi-doza tokoa?

 

« Betsaka sady mafy ny ezaka natao mba handrodanana ny finoan’ izy ireo. Tsy nisy izay  tsy nahita  anyy endrika na tandindon’ ny any an-danitra ny fitoerana masina tety an-tany dia dika marin’ ny lalàna any an-danitra ilay napetraka teto an-tany ; ary ny fanekena ny fahamarinana mikasika ny fitoerana masina any an-danitra dia mahafaoka ny fanekena ny fitakian’ ny lalàn’ Andriamanitra sy ny tsy maintsy hitandremana ny Sabatan’ ny didy fahefatra.  anyy tsiambaratelon’ ny fanoherana mangidy sy hentitra natao tamin’ ny fanazavana mirindra ny Soratra masina izay nanambara ny fanompoana ataon’ I Kristy ao amin’ ny fitoerana masina any an-danitra. Nezahan’ ny olona nakatona ny varavarana izay novohan’ Andriamanitra ary novohainy izay nakatony. Nefa « Ilay mamoha ka tsy hisy hanidy ary nanidy ka tsy hisy hamoha » no nanambara hoe: « indro efa nasiako varavarana mivoha eo anolanao ka tsy misy maharindrina azy» efa novohan’ I Kristy ny varavarana  any asa fanompoana ao amin’ ny masina indrindra. Namirapiratra avy tao amin’ ny varavarana mivoha any amin’ ny fitoerana masina io fahazavana io ary hita fa ao ny didy faha-efatra; izay naorin’ Andriamanitra dia tsy azon’ ny olona ravana. » Hery mifanandrina, pp. 471, 472.