FAHAMARINANA SY FAMINDRAM-PO

«Rahona sy haizim-pito no manarona Azy ; fahamarinana sy fitsarana no fanorenan’ ny seza fiandrianany. » Salamo 97 : 2

Ireo toetoetry ny fitiavana

1.Inona avy ireo toetoetra roan’ny fitiavan’Andriamanitra ? Salamo 97 : 2 ; Ohabolana 21 : 3

« Ny lalàn’Andriamanitra izay fitaratry ny sitrapony sy fanehoana ny toetrany sy ny fahendreny ary ny fitiavany; ny olombelona dia nataon’Andriamanitra ho sangan’asany sady nomeny fahaizana mahatakatra izay tadiavin’ny lalàna; izany dia ahazoany mitia ny rariny sy ny soa aterany. Koa dia fankatoavana avy hatrany aseho amin’ny asa no tadiavin’Andriamanitra aminy. » Patriarka sy Mpaminany p 33, 34

« Ny fikasan’ i Kristy dia ny hampitambatra ny fahamarinana sy ny famindram-po ary mba hahatonga ny lanjan’ ny tsirairay amin’ ireo zavatra roa ireo ao anatin’ ny fitambarany. Tsy toy ny fahalemena ny famindrampon’ i Kristy fa kosa fahefana lehibe izay mampatahotra ny fahotana, kanefa etsy an-danin’ izany kosa io famindram-po io dia hery mba hisintona ny fitiavan’ ny olombelona ho eo Aminy. Ny fahamarinana dia afaka mamela heloka amin’ ny alalan’ i Kristy ka tsy misy fanesorana na dia tendron-tsoratra iray aza amin’ Ilay fahamasinana izay tena lavorary indrindra. » - Commentaires bibliques, pp. 362, 363.

2-Na dia tsindraindray aza toa hita fa mifanohitra ny fahamarinana sy ny famindram-po, ahoana no fomba hampitambaran’Andriamanitra ireo zavatra roa izay toa mifanohitra hita maso ireo ? Isaia 30 : 18 ; Salamo 30 : 6.

« Araka izany, tahaka ilay Avana izay niseho teo amin’ny habakabaka vokatry ny fitambaran’ny fahazavan’ny masoandro sy ny orana, dia toy izany ny Avana izay manodidina ny seza fiandrianana ka maneho ny hery mampitambatra ny famindram-po sy ny fahamarinana. Tsy azo atao ny hoe maneho fotsiny ihany, satria miteraka fanakonana ny voninahitr’ ilay Avana izay mampiseho ny teny fikasana mivelatra eo ambonin’ ilay seza fiandrianana, ka dia tsy hisy zavatra hitan’ny olona afa-tsy ny famaizan’ny lalàna fotsiny ihany. Raha toa ka sady tsy nisy fahamarinana no tsy nisy famaizana, dia azo antoka fa tsy ho tafatoetra ny fitondram-panjakan’ Andriamanitra. Ny fitambaran’ny fitsarana sy ny famindram-po no maha-tonga ny famonjena ho feno. Ny fitambaran’ ireo zavatra roa ireo, sady mibanjina an’ilay Mpanavotra izao tontolo izao isika no mibanjina ny lalàn’ i Jehovah, ka ho voatosika isika hanao hoe : «tonga lehibe aho noho ny hatsaram-panahinao ”( RH 13/12/1896)” commentaires bibliques, p 238

“ Rehefa miezaka hanao fitsarana araka ny fahamarinanahianareo, dia aoka ho tadiavinareo fa manana rahavavy kambana aminy io fahamarinana io , dia ny famindram-po izany. Mijoro mifanila ary tsy azo  sarahina mihitsy ireo zavatra roa ireo.”  Chil guidance, p 262

“.... Tsy maintsy ampatsihaivina mandrakariva fa ny fijoroana tsy ho voahozongozona sy ny fahamarianana dia manana rahavavy: ny famindram-po” Christian Education, p 25

MIFANENA NY FAMINDRAM-PO SY NY FAHAMARINANA

3-Tahaka ny ahoana no anehoana ny fanoritsoritana an’ ilay avana, ny fomba ifanenan’ ny fahamarinan’ Andriamanitra sy ny famidram-pony ary ny toerana isehoan’ io fifanenana io? Genesisy 9: 13; Apokalipsy 4: 3; Salamo 85: 11

“ Ilay avana izay mivelatra eo ambonin’ny seza fiandrianana no vavolombelona mandrakizay izay manambara fa “ Andriamanitra dia tena tia izao tontolo izao tokoa, ka nomeny ny Zanany lahy tokany, mba tsy ho very izay rehetra mino Azy, fa hanana fiainana mandrakizay ”. Isaky ny aseho amin’ny olona ny lalàna, Ilay filoha mpifehy ny fahamarinana  dia manondro an’ ilay seza fiandrianana izay voarakotr’ ilay avana maneho ny teny fikasana dia ny fahamarinan’ i Kristy. Kristy no voninahitry ny lalàna. Tonga Izy mba hanandratra ny lalàna  sy nametraka an’ io lalàna io ho mendrika hajaina. Aoka hianareo haneho mazava tsara fa ny famindram-po sy ny fiadanana dia nifanojo ao amin’i Kristy, ary mifanorika ny rariny sy ny fahamarinana...” commentaires bibliques, pp 237, 238

“ Jereo ilay soratra teo amin’ ilay hazo fijaliana. Ny Tompo no efa nilaza azy io mialoha. Nosoratana tamin’ny teny Hebreo, teny Grika, sy teny Latina, fanasana ny olona rehetra io soratra io mba hanatona Azy: Jiosy, Jentilisa, Barbarianina, kristianina, andevo, tsy andevo, ireo olona tsy manam-panantenana, tsy afa mihetsika sy manana kilema. Kristy no efa nanafoana ny fahefan’ i Satana. Efa naharesy an’ ireo andry fiarovan’ io Satana io Izy ka namakivaky an’ ilay fifanandrianana lehibe tamin’ny nandravany an’ilay manana ny fanjakan’ ny fahafatesana. Rehefa izany dia nisokatra ilay feo anakiray izay nanambara fa afaka mifanena ny famidram-po sy ny fahamarinana ary afaka mifanoroka ny rariny sy ny fiadanana. ( MS 111, 189 T) commentaires bibliques p. 211

4-Fomba ahoana no itambaran’ny famindrampo sy ny fahamarinana ao anatin’ny lalàn’ Andriamanitra sy ao anatin’ny fanavotana? Isaia51: 4 ; Rom7:12

“ Ny fifangaroan’ny fitsarana sy ny famindram-po no manome ny famonjena feno. Io fifangaroan’ ireo zavatra roa ireo no mahatonga antsika ho mahazo mihiaka, rehefa mibanjina Ilay Mpanavotra sy ny lalàn’ Jehovah, ka itenenantsika hoe: “ ny hatsaram-panahinao no maha-lehibe ahy ”. Isika mahafantatra fa ny filazantsara dia feno sy tanteraka, ary miseho ao anatin’ny io filazantsara io ny tsy fiovan’ny lalàn’ Andriamanitra. Mampita ao am-pon’ ny olona ao io filazantsara io mikasika ilay fanantenana sy ny fitiavana an’ Andriamanitra. Manasa antsika mba hiditra eo amin’ ireo varavaran’ ilay tanànan’ Andriamanitra ny famindram-po, satria ny fahamarinana no natao sorona mba hanomezana alàlana ny mpino tsirairay hanana ireo tombotsoa rehetra maha mambran’ny fianakavian’ ilay Mpanjaka, izany hoe ireo tombotsoan’ny maha zanak’ Ilay Mpanjakan’ny lanitra” Commentaires bibliques, p 276

« Ny famaritana tokana azo omena izany dia ny Tenin’Andriamanitra manao hoe: ‘Ny fahotana no fandikana ny lalàna’; izany dia fanoherana ilay lalàna lehiben’ny fitiavana, izay fototra ijoroan’ny fitondram-panjakan’Andriamanitra” La tragédie des siècles, p 536p536

SAFIDY  MALALAKA

5-Nahoana Andriamanitra no nanome ho an’ny olombelona fahafahana misafidy malalaka? Inona no fifandraisana misy eo amin’ny lalàna sy ny fahafahana? Deotoronomia 30: 19b; Jakoba 1: 25; 2: 12

“ Manana fahefana hanakana an’ i Adama tsy hikasika ilay voankazo voarara Andriamanitra, kanefa raha ohatra ka nanao izany Izy, Satana dia ho nahita porofo nafahany niampanga fa ny fitondram-panjakan’ Andriamanitra dia sitrapon’ny anakiray izay jadona. Tsy ho olona afaka misaina malalaka ny olombelona fa kosa milina tsotra fotsiny amin’ izao. ( RH 4-06-1901) commentaires bibliques, p 3

“Tsy toy izany anefa no fomba fijerin’ireo mpaminany sy apostoly ny lalàna masin’Andriamanitra. Hoy Davida: ‘ary handeha amin’ny malalaka aho fa ny didinao no tadiaviko’. Ny apostoly Jakoba iza nanoratra taty aorian’ny nahafatesan’i Kristy dia nilaza ny didy folo ho ‘ lalàna tanteraka, dia ny lalàn’ny fahafahana’. Ary ny mpanoratra ny Apokalypsy, dimampolo taona taty aorian’ny nanomboana an’i Kristy teo amin’ny hazo fijaliana, dia manonono fitahiana ho an’izay ‘ mankatoa ny didiny, mba hanana fahefana ho amin’ny hazon’aina sy hidirany amin’ny avahady  ho ao an-tanàna’ Hery mifanandrina p 480

“Ny lalàn’Andriamanitra izay nohambanian’i satana ho zioga fanandevozana, dia

homem-boninahitra ho lalànan’ny fahafahana. Ny voahary iray izay nozahan-toetra ka nijanona ho mahatoky dia tsy hitady hiala intsony amin’ilay naneho  taminy ny fitiavana tsy voafaritra sy ny fahendrena tsy manam-petra”

La tragédia des siècles  p  547.

6-Ahoana no ifandrasain’ ny lalàn’ Andriamanitra sy ny fahasambaran’ ny olombelona? Salamo 119: 165-167.

“Lalàna marina, lalàm-pitiavana, lalàna ambony sy masina antoky ny fahasambaran’ireo mpanompony izay nanompo Azy amim-pifaliana, no fototra iorenan’ny fanjakany. Tsy fankatoavana an-jamba fa entanim-pitiavana sady fenio fahatokiana sy feno fiderana no irin’Andriamanitra hananan’ny olony. Tsy azo nekena ny fankatoavana an-terisetra ka izany no nanomezany azy safidy malalaka izay fepetra tena ilaina indrindra eo amin’ny fanompoana an-tsitrapo.” Patriarka sy mpaminany p. 11”

7-Moa ve Andriamanitra, izay nanome ho an’ny olombelona fahafana misafidy malalaka, mbola mitohy manome izany fahafahana izany eo am-pamitàna ny drafi-panavotana? Josoa 24: 15b; Apokalipsy 22:17 ; Salamo 119: 49

“Tsy misy fanerena eo amin’ny asa fanavotana. Tsy misy hery avy ety ivelany afaka manelanelana. Avela malalaka hisafidy izay ho tompoiny ny olona, eo ambanin’ny herin’ny fanahin’Andriamanitra miasa mangina aminy. Amin’ny fiovana hita rehefa milefitra eo amin’i Kristy ny fanahy , dia mahatsapa fahafahana izany fanahy izany. Asa tanterahin’ny fanahy mihitsy ny fandroahana ny fahotana. Raha ny marina dia tsy manan-kery isika hanafaka ny tenantsika tsy ho eo ambanin’ny fanapahan’i satana, nefa rehefa iriantsika ny ho afaka amin’ny fahotana, ary mitaraina isika ao anatin’ny fahotantsika be, miantso hery ivelan’ny tenantsika sy ambony noho isika, dia vontosan’ny herin’ny Fanahy Masina avy amin’Andriamanitra ny fanahy, ho afaka mankato ny baikon’ny sitrapo izy amin’ny fanatanterahana ny sitrapon’Andriamanitra. Ilay Fitiavana Mandresy p 501

“  Tsy mampiasa hery famoretana mihitsy na oviana na oviana Andriamanitra. Am-pitiavana no amongorany ny fahotana mba hiala ao anatin’ny olona, koa amin’ izany ny avonavona dia hiala ka hanome toerana ho an’ny fanetren-tena, ary ny tsy finoana hanome toerana ho an’ny fitiavana sy ny finoana.” Une vie meilleure, p 94

8-Inona no hampiasain’ Andriamanitra mba hamitany ny drafi-pamonjena ataony?  Salamo 119:97 ; Jeremia 31: 3

“ Ny tantaran’ilay ady lehibe ifanaovan’ny tsara sy ny ratsy hatramin’ny andro niatombohan’izany tany an-danitra ka mandra-pahatongan’ny fotoana hana-foanana tanteraka ny fikomiana amin’ny farany sady handevonana ny fahotana, dia maneho miharihary ny fitiavana tsy manam-piovana ananan’Andriamanitra.” Patriarika sy Mpaminany p 12

“ Ny fitiavana dia zavatra mihanaka araka ny maha izy azy, ary miasa amin’ny fomba tony, kanefa kosa izy io dia manan-kery rehefa miroso mba handresy an’ ireo zava-dratsy. Ny hery malefaka izay mahataona alefan’ io fitiavana io no mahatonga fiovana, ary mahataona ny fiainan’ny mpanota maro ka hanova ny fon’ izy ireo, satria ireo fomba hafa rehetra dia tsy manan-kery nanova ny fon’ ireo mpanota ireo. Jesosy no ilay Andrian’ny fiadanana, tonga teto amin’ izao tontolo izao Izy mba hahatonga ny fanoherana sy fananam-pahefana hilefitra eo ambany fifehezany. Azony natao ny nampiasa fahendrena sy hery, kanefa mba handresena ny ratsy, ny fahendren’ny fitiavana sy ny herin’ny fitiavana ihany no nampiasainy.” Temoignages pour l’ Eglise vol 1, pp 236, 237

MBA HAVERINA IANARANA SY HO SAINTSAININA LALINA

. Tahaka ny ahoana no ahafahana mamariparitra ny fitiavan’Andriamanitra?

. Aiza no itambaran’ ireo toetoetran’ny fahamarinana sy ny famidram-po?

. Inona no antony nanomezan’ Andriamanitra ho an’ny olombelona ny fahafahana misafidy malalaka?