Ary hatoky Anao izay mahalala ny
anaranao . Fa tsy foinao izay mitady Anao Jehovah o ! Mankalazà an’i Jehovah , izay mitoetra any Ziona . Ambarao any
amin’ny firenena ny asany . Fa izay manadin-dra dia mahatsiaro ny ory .Tsy
manadino ny fitarainany Izy . Salamo 9 :
10-12 .
Ireo olona masina dia arovan’ireo anjely
1.- Inona no ataon’ireo olona masina rehefa mifarana ny
androm-pahasoavana ? Isaia 26 : 20 .
Inona no hanohana an’ireo olona masina ireo mandritra ilay fotoan-tsarotra
? Isaia 33 : 15-16
Izaho dia nahita ireo olona
masina niala tamin’ireo tanàn-dehibe sy ireo vohitra madinika , ka nitambatra
tao anatin’ny vondrona maromaro sy nivelona tao amin’ireo toerana izay tena any
ambanivohitra tokoka . Ireo anjely dia nitondra sakafo sy rano ho azy ireo , fa
etsy andanin’izany kosa , ireo ratsy fanahy dia mijalin’ny hanohanana sy
hetaheta . Premiers Ecrits P 282 .
Eo amin’ny andron’ilay
fizahan-toetra mampatahotra , Kristy dia hiteny manao hoe : “Mandehana hianao
ry vahoakako , midira ao an’efitranonao ao , ary akatony ny varavarana ,
miafena ao mandritra ny fotoana fohifohy , ambaram-paha lasa an’ilay
fahatezerana . Inona moa io efitrano io izay tsy maintsy hiafenan’ny vahoakan’Andriamanitra ? Izany dia ny
fiarovan’i Kristy sy ny anjeliny . Ny vahokan’Andriamanitra dia tsy hoe eo
aminin’ny toerana iray ihany amin’izay fotoana izay . Io vahoaka io dia
hahaforona vondrona madinika maromaro mipariaka manerana ny tany . Maranatha p
268
2 .-Inona no tetika novolavolain’i
Hamana rehefa nangataka izy mba hisian’ny didy hamonoana an’ireo Jiosy ?
Amin’ny fomba mitovy amin’izany ihany , iza no ho olona izay kendren’ireo
mpankahala fivavahana ho velezina ao anatin’ny haromotan’izy ireo ? Estera 3 :
8-15 ; Apokalypsy 13 : 15
Rehefa afaka izany , izaho dia nahita
ireo lehibe eto amin’izao tontolo izao izay nifanolo-kevitra , ary koa , i
satana sy ireo anjeliny dia tena miraharaha amin-kerimpo mafy manodidina azy
ireo . Izaho dia nahita lahantsoratra izay naely manerana ny toerana samihafa
teto ambonin’ny tany , mandidy manao hoe : raha ohatra ireo olo-masina ka tsy
miala amin’ny hevitr’izy ireo manokana , raha toa izy ka tsy mitsipaka ny
fitandremana ny Sabata mba hitandrina ny andro voalohany amin’ny herin’andro ,
dia havoaka ny lalàna hamonoana azy ireo ho faty rehefa afaka fotoana fohy . Eo
amin’ny fotoanan’io fizahantoetra io , ireo olona masina dia nitahiry ny
fahatoniany , nametraka ny fitokisany tamin’Adriamanitra , sady niantehitra
tamin’ilay teny fampanantenana izay nomena azy ireo , mba handreseny manoloana
an’ilay fizahan-toetra . Eo amin’ireo toerana sasantsasany aza , alohan’ny
fahatongavan’ny fotoana hisian’ny fandrahonana ho faty , ireo ratsy fanahy dia
hiantoraka hamono hahafaty ireo olon’Andriamanitra , kanefa misy anjely maro
izay maka ny endri-dehilahy mpiady izay hiady ho an’ireo olona masina ireo . Premiers
Ecrits pp 282 , 283
3 .-Inona no votoantin-kevitra ampiasain’ireo
mpankahala fivavahana mba hanoherany an’ireo olona masina ? Jaona 11 : 49-50 . Inona
ireo fahefana lehibe izay hiasa mavitrika ao anatin’ilay hetsika fanoherana ny
vahoakan’ Andriamanitra , indrindra ao Amerika avaratra ? Apokalypsy 13 : 1-2 ;
11 : 14-17
Ho lazaina fa ireo olom-bitsy izay
mijoro hanohitra izay natsangan’ny fiangonana sy ny lalàm-panjakana dia tsy azo
andeferana , fa aleo lavitra ireo no mijaly toy izay ny firenena manontolo no
hikorotana sy tsy ho tan-dalàna . Io fonjan-kevitra io no nampiasain’ireo
mpitarika ny firenena , hamelezana an’i Kristy , taon-jato valo ambin’ny folo
lasa izay ! Fa tsara ho antsika hoy ilay Kaiafa fangoloka , raha ny lehilahy
iray no ho faty hamonjy ny firenena , mba tsy ho rava avokoa ity firenena ity .
Jaona 11 : 50 . Manana endrika ho marina izany fonjan-kevitra izany , ary amin’ny
farany dia hisy didy havoaka hanamelohana ireo izay manamasina ny Sabatan’ny
didy faha efatra , hiampangana azy ho mendrika hampiharana ny famaizana henjana
indrindra ka hanomezana alalana ny vahoaka hamono azy ho faty rehefa afaka
fotoana kely . Ny fivavahana mpanaraka an’i Roma any Eoropa sy ny fivavahana protestanta
nihemotra any Amerika dia hitovy fihetsika amin’ireo izay mankato ny
didin’Andriamanita rehetra . Hery Mifanandrina pp 641 , 642
Zahana toetra tahaka an’i Jakoba
4 .-Inona ilay fizahan-toetra hatrehan’ny zanak’Andriamanitra mandritra
io fotoana io ? Jeremia 30 :5-7
. Nahoana no tsy maintsy ilaina ny fandalovan’izy ireo amin’izany
fizahan-toetra izany . Jakoba 1 : 12
Tsy ela taorian’izany , izaho dia
nahita an’ireo olona masina tao anatin’ny tebiteby lehibe . Izy ireo dia
nohodidinin’ireo ratsy fanahy izay monina eto ambonin ‘ny tany . Ny zavatra
rehetra dia toa miray saina manohitra azy ireo avokoa . Ny sasantsasany
tamin’izy ireo aza dia nanomboka natahotra , sao dia hamela azy ireo ho
tafalatsaka eo an-tànan’ireo mpankahala fivavahana Andriamanitra . Kanefa raha
ohatra ny mason’izy ireo afaka misokatra tsara , dia ho nahita ireo
anjelin’Andriamanitra nanodidina azy izy . Rehefa afaka izany , izaho dia
nahita an’ilay fitambaran’olona ratsy fanahy maro izay nifofofofo taminy , avy
eo aho dia nahita anjely ratsy
analin’alina izay nanosika an’ireo ratsy fanahy hamono hahafaty ireo olona
masina . Kanefa alohan’ny hahafahan’ireo olona ratsy fahany hanantona ny
vahoakan’Andriamanitra , ireo ratsy fanahy ireo dia tsy maintsy mamakivaky
an’ilay antonkon’ireo anjely masina sy mahery , izay zavatara tsy hain’izy ireo
atao mihintsy . Ireo
anjelin’Andriamanitra dia hanery an’ireo ratsy fanahy hiemotra . Ny
anjelin’Andriamanitra dia manosika sy mampandositra an’ireo anjely ratsy , izay
misisika manodidina azy ireo . Premiers Ecrits p 283
5 .-Inona ireo fitaovana ampiasain’ny Tompo mba hanadiovana ireo zanany
? Apokalypsy 3 : 10 ; Malakia 3 : 2-4
Izy io dia fotoana nisian’ny
tebiteby , fotoana izay tsy maintsy hiatre-hana toe-draharaha mahatsiravina ho
an’ireo olona masina . Izy ireo dia niantso-antso mafy an’Andriamanitra andro
aman’alina mba hahazo fanafahana . Araka ny fijerin’olombelona , dia tsy misy
mihintsy ho azy ireo ny fomba hahafahana man-dositra . Ireo ratsy fanahy dia
efa nanomboka nandresy sy nihiaka hoe : Nahoana ny Andriamanitrareo no tsy
manafaka anareo ho afaka eo amin’ny tànanay ? Nahoana ianareo no tsy miakatra
any an-danitra mba hamonjy ny ainareo ? Kanefa moa ireo olona masina dia tsy
niraharaha an’izany teny izany . Tahaka an’i Jakoba , izy ireo dia nitolona
tamin’Andriamanitra . Sasa-niandry mba hanafaka azy ireo ny anjely maro ,
kanefa izy ireo dia tsy maintsy mbola niandry kely aloha . Ireo zanak’ Andriamanitra
dia tsy maintsy nisotro tamin’io kapoaka io , sy atao batisa amin’izany fomba
izany . Ireo anjely izay mahatoky sy tsy mivadika amin’ny andraikiny dia nitohy
niambina . Andriamanitra dia tsy namela ny anarany ho afa-baraka eo amin’ireo
mpankahala fivavahana . Efa miha akaiky ny fotoana izay hanehoany ny heriny sy
hanafahany amim-boninahitra an’ireo olony masina . Mba ho voninahitry ny
anarany , Izy dia efa hanafaka ireo rehetra izay niandry Azy tamim-paharetana ,
sady manana ny anarany voasoratra ao amin’ny bokin’ny fiainana . Premiers
Ecrits pp 283 , 284
Mitolona mba hahazo fandresena
6 .-Raha ohatra isika mitolona amin’Andriamanitra tahaka ny nataon’i
Jakoba , inona no ho vokatr’izany ankehitriny sy eo amin’ny fotoana
mampisamboaravoara ? Hosea 12 : 5 ; Isaia 63 : 9 .
Tsitapitapitr’izay dia nisy
Tanana nitehina teo amin’ny sorony . Noheve-riny fa fahavalo nitady handatsaka
ny ainy izany ka dia niezaka araka izay tratry ny ainy izy nitolona tamin’ilay
fahavalo . Rehefa nangirandratsy ny andro dia asehon’ ilay olon-tsy fantatra ny
heriny mihoatra noho ny an’ny olombelona
; notendreny ity lehilahy matanjaka ka toa nalemy ary toa tsy nanankery
, nitalaho tamin-dranomaso teo ambozon’ity fahavalo tsy fantatra velively . Fantatr’i
Jakoba izao fa Ilay anjelin’ny fanekena no niady taminy . Na dia nahazo kilema
aza izy ka narary mafy indrindra , dia tsy nohadinoiny ny fikasany . Efa ela no
niaretany tebiteby , fanenenana sy alahelo mafy noho ny fahotany . Ankehitriny kosa dia tsy maintsy ataony izay
maha azo antoka ny famelana izany . Toa efa handeha Ilay mpamangy avy
amin’Andriamanitra , fa namikitra taminy i Jakoba , nitaky fitahiana . Hoy ilay
anjely nanantitrantitra hoe : “ Avelao aho handeha , fa efa mazava ratsy ny
andro” , nefa namaly ilay patriarika hoe : “ Tsy havelako Ianao , raha tsy
tahianao aho” . Toky manao ahoana ! Fahamatorana sy fikirizana manao ahoana no
asehony eto ? Hery Mifanandrina p 643
Ilay alina nitebiteben’i Jakoba ,
fony izy nitolona tamim-bavaka mba ho afaka amin’ny tànan’i Esao dia mampiseho ny fanandramana hataon’ny
vahoakan’Andriamanitra amin’ny andro fahoriana. Hery Mifanandrina p 642
Fiovana
anarana
7 .-Inona no vokatr’ilay tolona nataon’i Jakoba sy ny fandresena azony ?
Genesisy 32 : 27-28 . Inona no ho tonga amin’ny vahoakan’Andriamanitra , ary
inona no anarana omena ho azy , raha
ohatra ka mandresy tahaka an’i Jakoba izy ireo ? Apokalypsy 3 : 12
…. Ho porofo mazavan’ny fandreseny sy
ho fampaherezana ny hafa hanahaka ny ohata nomeny , dia novana ny anarany ka
ilay nampahatsiaro ny fahotany dia nosoloana anarana izay tsangambaton’ny
fandresena koa . Hery Mifanandrina p 643
Ny Israelin’Andriamanitra dia nampifantoka ny fijeriny ho any ambony ,
io vahoaka Israely io dia nihaino an’ireo teny izay nivoaka avy tao amin’ny
vavan’i Jehovah izay naneno toy ny tabataban’ny varatra .Izany dia fisehoana
miezinezina izay mampahatahotra loatra . Aoriana’ny hira isan’andininy , ireo
olona masina dia mihiaka amin’ny feo mafy manao hoe : “ Voninahitra , Haleloia”
. Ny tavan’izy ireo izay nohazavain’ny voninahitr’Andriamanitra , dia
namirapiratra toy ny tavan’i Mosesy rehefa nidina avy teo an-tendrombohitr’i
Sinay izy . Ireo ratsy fanahy dia tsy afaka nijery azy ireo noho ny
famirapiratry ny tavany . Ary rehefa notononina ilay fitahiana mandrakizay mba
ho an’ireo izay nanome voninahitra an’Andriamanitra amin’ny fitandremana ny
Sabata masiny , dia heno ilay feo mafy lehibe manambara ny fandresena azon’ny
olona nandresy an’ilay bibidia sy ny sariny .
Premiers Ecrits pp 285 , 286
Mba ho saintsainina lalina
Salamo 37 : 39 ; Hebreo 11 : 1-2 , 6 ; Salamo 91 : 2-9
Raha ohatra hianareo te ho
tafatoetra mijoro tsara mandritra ilay androm-pahoriana , dia tsy maintsy
ilainareo ny mahafantatra an’i Kristy , Tsy maintsy ilainareo ny mandray
an’ilay fanomezan’ny fahamarinany izay hisaina ho an’ny mpanota mibebaka . The Review and Heralde 22 Novembre 1892
. Message Choisie vol 1 p 425
Eo amin’ny androm-pahoriana izay
ho tonga alohakelin’ny fiverenan’ny Tompo , ireo olona marina dia tsy afaka ny
handositra ny fahafatesana raha tsy amin’ny alalan’ilay raharaha ataon’ireo
anjely masina . Kanefa izany toky izany dia tsy homena an’ireo mpandika ny lalàn’Andriamanitra . Amin’izany fotoana izany , ireo mpitondra
hafatra avy any an-danitra dia tsy afaka
ny hiaro an’ireo izay mandika ny didin’Andriamanitra , na inona na inona didy
nodikainy . Maranatha P 268
Isika ankehitriny dia tsy maintsy
mianatra an’ireo leson’ny finoana raha ohatra ka te ho tafatoetra mijoro tsara
mandritra ireo fotoan-tsarotra izay ho avy , mba hizahana toetra ny mponina
rehetra eto ambonin’ny tany . Isika dia
tsy maintsy manana ny herim-pon’ireo lehilahy mahery fo tamin’ny finoana sy
ireo maty maritiora . Letres 14 Janvier 1884 . Levez vos Yeux en haut p 24
Aucun commentaire:
Enregistrer un commentaire