Ho avy faingana Aho ; tano
mafy izay anananao , mba tsy hisy haka ny satro-boninahitrao . Izay maharesy no
atao andry eo amin’ny tempolin’Andriamanitro , ary tsy hiala eo intsony izy ,
ary hosoratako eo aminy ny anaran’Andriamanitro sy ny anaran’ny tanànan’Andriamaintro
, dia Jerosalema vaovao , izay midina avy any an-danitra , avy
amin’Andriamanitro , ary ilay anarako vaovao Apokalypsy 3 : 11-12
Ireo olona voavotra dia mandray ny satro-boninahitra
1 .-Inona ilay teny fikasana ao anatin’ny Baiboly izay ho tanteraka
rehefa tonga any an-danitra ireo olona voavotra ? I Petera 5 : 4 ; Apokalypsy 3 : 11
Rehefa afaka izany , izaho dia
nahita anjely marobe izay nitondra satro-boninahitra be voninahitra indrindra ,
satro-boninahitra iray ho an’ny olona masina tsirairay , izay voasokitra
amin’ny anaran’io olona masina io . Rehefa Jesosy nangataka an’ilay
satro-boninahitra , dia natolotr’ireo anjely Azy izany , ary Jesosy dia
nametraka an’ireo satro-boninahitra teo amin’ny lohan’ny olona masina tamin’ny
tanany ankavanana . Tamin’ny fomba mitovy amin’izany ihany , dia nisy anjely
maro izay nitondra valiham-bazaha ka natolotr’i Jesosy ihany koa ho an’ireo
olona masina . Ireo anjely izay nibaiko ny hira no nanome ny feonkira , rehefa
izany , ny feo tsirairay dia nanao hira fankasitrahana sy fisaorana feno
fifaliana tokoa , ary ny tsirairay dia nikasika amim-pahaizana ny tadin’ireo
valiham-bazaha ka nampaneno ny mozika izay tena tsara indrindra . Premiers
Ecrits p 288
Ilay toera-ponenan’ireo olona voavotra
2 .-Aiza no honina ireo olona voavotra any an-danitra ? Apokalypsy 21 :
10 ; Isaia 26 : 2 . Inona ilay zavatra izay hahafa-po an’i Jesosy Kristy
Mpamonjy antsika ? Isaia 53 : 11 .
Rehefa afaka izany , izaho dia
nahita an’i Jesosy nitarika an’ireo vondron’ ny olona voavotra nankeo amin’ny
varavaran’ilay tanàna . Noraisiny ilay varavarana , nahodiny ireo savily
mamirapiratra , ary nampidiriny ireo firenena izay nitandrina ny fahamarinana .
Ao anatin’io tanàna io , ny zavatra rehetra dia manana ny toetoetra manokana
voatendry hamalifaly ny maso . Eo amin’ny toerana rehetra dia ahitana zavatra
be vidy sy feno voninahitra . Rehefa izany , Jesosy dia nanopy ny masony nijery
an’ireo olona masina izay navotany . Ny tavan’izy ireo dia namira-piratry ny voninahitra
, ary rehefa nampifantoka ny masony feno fitiavana tamin’izy ireo Izy , dia
niteny tamin’ny feony madio sy marina
nanao hoe : “ Izaho dia mibanjina ny asa nataon’ny fanahiko ary afa-po
ny amin’izany ”. Hianareo dia afaka manaram-po mandrakizay amin’io voninahitra
io . Tapitra ireo fahoriana mpahazo anareo . Tsy hisy fahafatesana intsony ,
tsy hisy fisaonana , na tomany , na
fijaliana . Izaho dia nahita an’ilay antokon’ireo olona voavotra niankohoka teo
anantrehan’i Jesosy , sy nametraka teo an-tongony ireo satro-boninahitr’izy
ireo izay tena mamirapiratra tokoa . Rehefa afaka izany dia nampitsangana azy
ireo Izy tamin’ilay tànany mpanasoa , ary nampaneno an’ilay valiham-bazaha
volamena izy ireo , ka dia nameno ny lanitra manontolo tamin’ny mozika kanto
indrindra sy ny hira nataon’izy ireo ho voninahitra’Ilay Zanak’Ondry . Premiers
Ecrits p 288
Ny voankazo vokarin’ilay hazon’aina
3 .-Inona ilay teny fikasan’Andriamanitra izay ho tanteraka ? Apokalypsy
2 : 7 . Tahaka ny tao Edena , inona no zavata izay hananana mitafotafo ao
amin’ilay tany vaovao ? Apokalypsy 22 : 2 ; Ezekiela 47 : 12 .
Rehefa izany , izaho dia nahjita an’i
Jesosy nitarika ny vahoakany hankeo amin’ilay hazon’aina . Izy dia nandefa
indray ny feony maha te ho tia , feo tena manana lanja ambony indrindra izay
tsy mbola henon’ny sofin’olombelona hatrizay hatrizay . “ Ny ravin’ity hazo ity
hoy Izy , dia natao ho fanasitranana an’ireo firenena . Aoka hianareo rehetra
hihinana an’ireo ravina ireo ”. Io hazon’aina io dia feno ny voankazo tsara
indrindra mihoatra ny voankazo rehetra . Ireo olona masina dia afaka nioty
izany tamin-kalalahana . Tao amin’ilay tanàna dia nisy seza fiandrianana
anankiray kanto sy mamirapiratra , ary avy amin’io seza fiandrianana io no
ivoahan’ny ony anankiray mpitondra rano velona , izay madio toy ny kristaly .
Eo amin’ny andaniny tsiariray amin’io ony io no nisy an’ilay hazon’aina izay misy
ireo voankazo tsara ho fihinana . Izaho dia nahita an’ilay voankazo
vokarin’ilay hazon’aina , nahita ny mana , ny amandy , aviavy ,
ampongabendanitra , voaloboka , ary karazam-boankazo maro be . Premiers
Ecrits pp 288 , 289 , 19
Miombona amin’ilay sakafo lehibe
4 .-Inona no hanaovana fety fankalazana rehefa ireo olona voavotra tonga eo
anantrehan’ny Mpamonjy ? Iza no hampihinana eo amin’io fanasana lehibe io ? Apokalypsy 19 : 9 ; Matio 26 : 29
; Lioka 22 : 28-30 .
Ilay tempoly dia mipetraka eo
ambonin’ny andry volamena fito madio sy mangarangarana , ary ao anatin’io
tempoly io dia misy perla kanto marobe mitsefaka . Izaho dia tsy mahay
manoritsoritra izay hitako tao . Oh ! Raha izaho no mba nahay ny fiteny tao
Kanana . Raha nahay an’io fiteny io aho , dia ho afaka ny hilaza ny
ambangovangony kely mikasika an’ilay voninahitry ny tontolo anankiray izay
tsara tokoa . Hitako tao ireo vato fisaka izay misy ny anaran’ireo 144000
voasokitra tamin’ny soratra volamena . “ Rehefa avy nibanjina ny hankanton’ilay
tempoly izahay dia nivoaka niala tao , ary Jesosy nandao anay ka nankany
amin’ilay tanàna . Tsy ela taorian’izay , izahay dia naheno indray ny feony
tonga lafatra sy mahafinaritra niteny taminay nanao hoe : Avia aty
hianareo rehetra izay isan’ny vahoakako
; hianareo dia nivoaka avy tao amin’ilay
fahoriana lehibe , hianareo dia nanao ny sitram-poko , nijaly hianareo
noho ny amiko ; Avia mandraisa anjara amin’ity sakafo ity . Izaho mihintsy no
hisikina ka hampihinana anareo , dia nihiaka izahay nanao hoe : Haleloia ,
Voninahitra ! Ary niditra tao amin’ilay tanàna izahay . Tao aho dia nahatazana
latabatra volafotsy matevina be anankiray . Io latabatra io dia nanana halava
kilaometatra maromaro , kanefa izany dia tsy nahasakana anay tsy hahita ny
tendrony roan’io latabata io . Premiers
Ecrits pp 19 , 20
Fanantenana vaovao ho amin’ny fahalalana
5 .-Eto amin’ity izao tontolo izao ity , moa ve isika dia afaka
mahafantatra feno ilay fitiavana lehiben’Andriamanitra sy ilay drafi-panavotana
nataony ? Romana 11 : 33 ; Deotoronomia 29 : 29 . Inona ireo teny fikasana izay
natao ho an’ny fotoana ho avy ? I Korintiana 13 : 9-10 , 12
Eto amin’ity fiainana ity dia
vao manomboka mahafantatra ihany io laha-kevitra momba ny fanavotana io isika .
Ny saintsika voafetra dia mety handalina amim-pahazotoana fatratra ny momba ny
fahafaham-baraka sy ny voninahitra , ny fiainana sy ny fahafatesana , ny
fahamarinana sy ny famindram-po , izay nihaona teo amin’ny hazo fijaliana .
Nefa ny ezaka mafy indrindra ataontsika amin’ny herintsika ara-tsaina dia tsy
ahatakarantsika ny tena velarany . Manjavozavo ihany ny fanombanantsika ny lavany
sy ny sakany , ny halaliny sy ny haavon’ny
fitiavana nanavotana antsika . Tsy takatra ho sain-tsainina tanteraka ny
drafitry ny fanavotana , eny , na dia rehefa hahita toy ny nahitana azy aza ny
voavotra ary hahafantatra toy ny nahafantarana azy , nefa mandritra ny
mandrakizay dia hisy fahamarinana vaovao mandrakariva haseho izay hampitolagaga
sy haharavoravo ny saina . Na dia tapitra aza ny alahelo sy ny fahoriana ary ny
fakam-panahy mpanjoy ety an-tany ka afaka ny nahatonga izany , dia hahita
amin’ny fomba mazava sy hendry kosa ny tombam-bidin’ny famonjena azy ny
vahoakan’Andriamanitra . Hery Mifanandrina p 677
6.- Ao amin’ilay toeram-ponenan’ireo olona voavotra ,
iza no hitarika ny fampianarana azy ireo ? Isaia 54 : 13 ; Jaona 6 : 45 . Inona
no ho loha-evitra lehibe raiketin’io fanabeazana io ? Efesiana 1 : 20-21
Ny hazo fijalian’i Kristy no ho
fianarana sy ho anton-kiran’ny voavotra mandritra ny mandrakizay manontolo . Ao
amin’i Kristy omem-boninahitra no hibanjinany an’i Kristy voahombo . Tsy
hohadiniona na oviana na oviana fa Ilay manankery namorona sy ihazonana an’ireo
izao tontolo izao tsy hita isa manerana ny velarana tsy manam-petry ny
habakabaka , Ilay Malalan’Andriamanitra , ILay Mpanjakan’ny lanitra , Ilay
tian’ny kerobima sy ny serafima mamirapiratra hiankohofana , dia nietry mba
hanandratra ny olombeloa lavo ; nitondra ny heloka sy ny fahafaham-baraka noho
ny fahotana ; nizaka ny nanafenan’ny Ray ny tavany mandrampaha vaky ny fony ,
noho ny vesatry ny ozon’izao tontolo izao ka naha torotoro ny ainy teo amin’ny
hazo fijalian’i Kalvary . Raha Ilay nahary izao tontolo rehetra izao , Ilay
Mpandahatra ny anjaran’ny rehetra , no nanaiky ny hametraka ny voninahiny ka
nanetritena noho ny fitiavany ny olombelona , izany dia hampito-lagaga mandrakariva
ny tany aman-danitra sy ahatonga azy hiankohoka Aminy . Rehefa mijery ny
Mpanavotra azy ireo firenena voavonjy ka mibanjina ny voni-nahitra mandrakizay
avy amin’ny endriny ; rehefa mibanjina ny seza fiandrianany izy ireo , izay
haharitra mandrakizay mandrakizay , ary ho fantany fa tsy hanam-pahataperana ny
fanjakany , dia hanadratra ny hiram-piravoravoany izy ka hanao hoe : “ Mendrika
, mendrika ny Zanan’Ondry Izay efa novonoina” , ka efa nanavotra antsika ho
an’Andriamanitra tamin’ny alalan’ny rany saro-bidy indrindra . Hery
Mifanandrina p 677
Zavatra tsy hay heverina no miandry an’ireo voavotra
7.- Moa ve
zavatra hay heverina na soritsoritana ny halehibehan’ilay fanja-kana efa
voaomana ho an’ireo olona voavotra ? I Korintiana 2 : 9 ; ISaia 28 : 5
Tsy misy fiteny na dia iray aza
mahay manoritsoritra ny lanitra . Rehefa mieritreritra an’izany rehetra izany
aho dia talanjo tokoa . Satria feno fitalanjonana sy fahafaham-po aho noho ireo
famirapiratana tsy manam-paharoa sy ireo voninahitra tsy hay lazaina , dia tsy
misy azoko atao afatsy ny mametraka ny mpenina fanoratako ka mihiaka manao hoe
: “ Endrey ilay fitiavana ! Endrey ilay fitiavana mahatalanjona ”. Ireo teny
izay tena ambony lanja indrindra dia tsy hahay hanoritsoritra ny voninahitry ny
lanitra , na ireo halalin’ny fitiavan’ny Mpamony , izay tsy hay refesina . Premiers Ecrits p 289
Mba ho saintsainina lalina
Isaia 53 : 7-11
; Filipiana 2 : 6-11 ; Lioka 1 : 31-33
Andriamanitra dia nanankina
amin’ny olombelona mety maty an’ireo rakitra saro-bidy maron’ny fahamarinana .
Ireo raki-tsarobidy ireo dia azo ampitahaina amin’ny voankazo kanto indrindra ,
izay atao ao anatin’ny vilany mamirapiratry ny fahadiovana sy masina , mba
hahatonga an’izay manaiky ireo voankazo ireo sy hankafy azy , mba ho
voninahitr’Andriamanitra . Manuscript 127 , 1902 . Evangéliser p 313
Jesosy dia nanolotra akanjo fotsy
, satro-boninahitra izay feno voninahitra sy be vidy indrindra mihoatra lavitra
noho ireo satro-boninahitra izay mandravaka ny handrin’ny mpanjaka sy ny anaram-boninahitra izay apetaka eo
amin’ireny zanak’andriana manamboninahitra ireny . Ny valisoa raisina vokatry
ny fiainana natolotra ho an’i Kristy dia mihoatra ny fiheverana rehetra izay
hain’ny sain’olombelona . That
Y May Know Him p 91
Aucun commentaire:
Enregistrer un commentaire