NY FARAN'NY ANDROM-PAHASOAVANA

Rehefa  mivoaka miala ao amin’ny efitra masina indrindra Jesosy , ary hametraka an’ireo fitafiany maha mpisorona Azy , mba handraisany ny famaliana ho akanjo hitafiany , dia hifarana eo ilay asa fifonana ataony ho an’ny mpanota . Rehefa izany dia hanakoako ity fampitandremana manaraka ity manao hoe : “ Izay manao ny tsy marina , aoka mbola hanao ny tsy marina ihany izy , ary izay maloto , aoka mbola hihaloto ihany izy , ary izay marina kosa , aoka mbola hanao ny marina ihany izy , ary izay masina , aoka mbola hihamasina ihany izy . Indro avy faingana Aho , ary eto amiko ny famaliako , mba hamaliako ny olona rehetra araka ny asany ” . Témoignages pour l’Eglige vol 1 p 323

                                      

Vita ny fametahana tombo-kase eo amin’ireo mpanompon’ Andriamanitra

 1 .- Inona no hiseho rehefa vita ny iraka nampanaovina an’ilay anjely mpametaka tombo-kase ? Ezekiela 9 : 11 ; Apokalypsy 21 : 6 . Inona ary no hambaran’i Jesosy rehefa izany ? Apokalypsy 22 : 11

 

               Izaho dia nahita anjely maro nihazakazaka etsy sy eroa tao an-danitra . Ny anankiray tamin’izy ireo , izay nitondra fitoeram-panoratana iray rehefa niverina avy teto ambonin’ny tany , dia nanao tatitra tamin’i Jesosy ka nilaza fa efa vita ny asa nataony , ny amin’ny hoe ireo olona  masina dia efa voaisa sy efa voapetaka tombokase . Rehefa fafaka izany , dia hitako ny Mpamonjy , izay nanao ny rahara-hany teo anoloan’ny fiara izay misy ny didy folo , nanipy teo amin’ny tany ilay fandoroana ditin-kazo manitra teo an-tànany , ary niteny tamin’ny feo mafy nanao hoe : “vita”. Rehefa izany , ireo andian-tafiky ny anjely dia samy nametraka ny satro-boninahitr’izy ireo avy . Tamin’izay no nanaovan’i Jesosy an’izao fanam-barana manaraka izao manao hoe : “ Aoka izay tsy marina dia mbola hanao ny tsy marina ihany , aoka izay maloto dia mbola handoto ny tenany ihany , aoka izay marina dia  mbola hanao ny marina ihany , ary izay masina dia mbola hanamasina ny tenany ihany . Premiers ecrits pp 279 , 280

2 .-Inona no homena ho an’i Jesosy Kristy rehefa mifarana ny androm-pahasoa-vana ? Daniela 7 : 14 ; Lioka 1 : 32-33 ; Apokalypsy 11 : 15

 

            Ny anjaran’ny tsirairay dia efa tapaka , na ho amin’ny fiainana , na ho amin’ny  fahafatesana . Nandritra ny fotoana nanaovan’i Jesosy ny raharahany tao amin’ny fitoerana masina , dia notanterahina ny fitsarana ireo olona marina izay efa maty , rehefa avy teo ny fitsarana an’ireo olona marina mbola velona . Kristy dia nandray ny fanjakany , satria efa nahavita ny fanavotana ho an’ny vahoakany sy nikosoka ny fahotan’io vahoakany io . Ireo olona izay ao anatin’ny fanjakany dia efa voaisa . Tanteraka ny fampakaram-badin’ny Zanak’ondry . Ny halehibe sy ny fanapahana ananan’ireo fanjakana izay eto ambanin’ny  lanitra dia nomena ho an’i Jesosy sy ho an’ireo izay tsy maintsy handova ny famonjena . Jesosy dia efa hanjaka amin’ny maha Mpanjakan’ny Mpanjaka , sy Tompon’ny Tompo Azy .   Premiers Ecrits p 280                                                                                                                                                                                                    

           Ary indro nisy toy ny zanak’olona avy tamin’ny rahon’ny lanitra , ary nankeo amin’ny Fahagola Izy , dia nampanakekeny teo anantrehany . Ary nomena fanapahana sy voninahitra ary fanjakana Izy , mba hanompoan’ny fokom-pirenena sy ny firenena ary ny samihafa fiteny rehetra Azy : Ny fanapahany dia fanapahana mandrakizay ka tsy ho tapaka , ary ny fanjakany tsy ho rava , Daniela 7 : 13-14 . Hery Mifanadrina pp 495 , 496

Ireo fahotana dia hapetraka eo amin’i satana

3 .- Teo amin’ilay fombam-pivavahana taloha , inona no niseho raha vantany vao voadio ny fitoerana Masina ?  Hapetraka amin’iza ny fahotan’ireo olona marina rehefa ny Mpamonjy manapitra ny asa fifonana ataony ? Levitikosy 16 : 10 , 20-22

 

        Rehefa nesorin’ny mpisoronabe tsy ho eo amin’ny fitoerana masina ny faho-tana , noho ny ran’ny fanatitra noho ny ota , dia napetrany teo amin’ny osilahy ho an’i Azazela ireo fahotana ireo . Rehefa hesorin’i Kristy ny fahotan’ny vahoakany tsy ho eo amin’ny fitoerana masina any an-danitra amin’ny fihafaran’ny fanom-poam-pivavahana ataon’ny tenany , noho ny rany , dia hapetrany eo amin’i satana ireo fahotana ireo , satria izy no tsy maintsy mitondra ny famaizana farany , amin’ ny fampiharana ny didim-pitsarana . Nalefa tany amin’ny tany tsy nisy olona ny osilahy ho an’i Azazela mba tsy hiverina intsony tao amin’ny fiangonan’ny Israely . Toy izany koa , horoahina mandrakizay tsy ho eo anantrehan’Andriamanitra sy ny vahoakany i satana , ka hofongorana tsy hisy intsony izy amin’ny fandevonana farany ny fahotana sy ny mpanota . -Hery Mifanandrina p 436  

            Mandritra ny vanimpotoana mampahatahotra , izay nanomboka tamin’ny fotoana namaranan’i Jesosy an’ilay asa fanelanelanana ataony , ireo olona masina dia tsy nanana mpanelanelana teo anantrehan’Andriamanitra intsony . Ny anjaran’ny tsirairay dia efa tapaka .   -Premiers Ecrits P 280

Ny fipetrak’ireo mpankahala fivavahana

4 .-Eo amin’ny fiafaran’ny androm-pahasoavana , inona no fanandramam-piainana handalovan’ireo mpankahala fivavahana ? Apokalypsy 16 : 1

 

          Rehefa Jesosy nivoaka niala tao amin’ny efitra masina indrindra , izaho dia nahare an’ireo lakolosy eo amin’ny akanjony naneno , ary nisy rahona maizina nanarona an’ireo mponina teto ambonin’ny tany . Rehefa izany , dia tsy nisy intsony mpanelanelana teo amin’ny olombelona meloka sy Andriamanitra , izay voatsiratsira . Teo amin’ny fotoana izay mbola nijoroan’i Jesosy nanelanelana teo anantrehan’Andriamanitra ho an’ny mpanota , dia nisy fanantenana teo amin’ny vahoaka , kanefa kosa , rehefa tsy teo intsony Jesosy sy ny Ray , dia niala ny fanantenany , ary ireo rehetra izay tsy nibebaka  dia teo ambany fitarihan’i satana avokoa . Zavatra tsy mety hisy mihintsy ny firotsahan’ireo loza raha mbola nanao an’ilay raharahany tao amin’ny efitra masina indrindra Jesosy . Kanefa rehefa vita ny asany , ary tapitra ny fanelanelanana nataony , dia tsy misy intsony na inona na inona afaka hampijanona ny fahatezeran’Andriamanitra . Io fahatezerany io dia nihatra tamin’ny mpanota izay nanao tsinontsinona ny famonjena sady nanao ny fananarany ho fihomehezana . Premiers Ecrits P 280

5.- Eo amin’io fipetraka mahatsiravina io , inona no ho tadiavin’ireo tsy nibebaka sy hirian’izy ireo Fatratra ? Amosa 8 :11-12

 

      Ireo izay nanao tsinontsinona ny tenin’Andriamanitra dia nihazakazaka tetsy sy teroa , avy any avaratra ka nianantsimo , avy any antsinanana miankandrefana , mba hitady ny tenin’Andriamanitra  . Ilay anjely dia niteny tamiko nanao hoe : “Izy ireo dia tsy hahita intsony ny tenin’Andriamanitra”. Misy mosary eo amin’ny firenena , tsy hoe mosary noho ny tsy fisian-kanina sy rano , fa mosary ny amin’ny faniriana  ny tenin’Andriamanitra . Inona izao no tsy homen’izy ireo amin’izay fotoana izay  mba hividianana ny fahenoana ny teny anankiray fankasitrahana avy amin’ny Tompo ? Kanefa moa efa diso aoriana loatra izany , izy ireo dia tsy maintsy mijaly noana sy mangetaheta . Ary tsy mitsahatra manao tsinontsinona isan’andro ny famonjena , sady manome lanja ambony kokoa ho an’ireo harenan’ny tany sy ny fahafinaretana eo aminy , mihoatra noho ireo rakitra soan’ny lanira sy ireo teny fampanantenana avy any an-danitra . Ary nitsipaka an’i Jesosy sy nanao tsinontsinona an’ireo olony masina . Izy ireo dia maloto , ary mbola hitoetra ho maloto   ihany .  Premiers Ecrits pp 281 , 282

6.- Rehefa izany , inona no ho heno eo amin’ireo izay mitsipaka ny fahasoavan’ Andriamanitra ? Lioka 6 : 25

 

            Olona ratsy fanahy maro tokoa no ho lasa adalan’ny haromotana rehefa mijaly iharan’ireo loza . Izany dia fisehoan-tebiteby tena mahatsiravina tokoa . Ny Ray aman-dReny dia miampanga ny zanany , ary ireo zanaka dia miampanga ny Ray aman-dReniny , ireo anadahy miampanga ny anabavin’izy ireo , ary ireo anabavy miampanga ny anadahiny . Teo amin’ny toerana rehetra dia nisy figogogogoana sy fanomezantsiny . Ny olona dia nitodika nankany amin’ireo pastora ka nanome tsiny mangidy azy nanao hoe : Hianareo dia tsy mba nampitandrina anay ny amin’izany , hianareo dia tsy mba niteny taminay fa izao tontolo izao dia tsy maintsy miova fo . Mba hampitony  ny tahotra rehetra , hianareo dia niteny taminay tamin’ny feo mafy nanao hoe :”Fiadanana, fiadanana” . Hianareo dia tsy mba niteny taminay mikasika an’ity ora ity . Ary nilaza marimarina fa ireo izay nanambara mikasika an’ity ora ity dia nolazaina fa olona mirehi-drehitra foana tsy amin’ny antony , olona ratsy fanahy izay hanary anay . Hitako fa ireo pastora dia tsy afa-nandositra ny fahatezeran’Andriamanitra :  Ireo dia tsy maintsy nijaly impolo mihoatra noho ireo olona izay nofitahany .   Premiers Ecrits p 282

7.- Ao amin’ny fitiavany lehibe , inona no fanirian’ny Tompontsika ? II Petera 3 : 9 ; Apokalypsy 3 : 20-21 . Noho izany ,inona no antso ataony ho an’ny olona rehetra mba hiaraka handova ny fiainana mandrakizay miaraka Aminy ? Matio 11 : 28-30

 

             Fa ankehitriny izao ny fahasoavana dia mbola atolotra ho an’ny mpanota . Lazao aminy hoe : “Raha velona koa  Aho , hoy Jehovah Tompo , dia tsy sitrako ny hahafatesan’ny ratsy fanahy , fa ny hialan’ny ratsy fanahy amin’ny làlany , mba ho velona izy . Mialà , mialà amin’ny làlan-dratsinareo , fa nahoana moa no te ho faty hianareo , ry taranak’Israely ? Ezekiela 33 : 11 .                                                                      Ny feo izay miteny amin’ny mpanota anio , dia io ihany no ho feon’Ilay anankiray izay tao anatin’ny tebiteby fahiny , raha nihevitra an’ilay renivohitra malala indrindra Izy , ary niteny tamin’ny feo mahery nanao hoe : “Ry Jerosalema , ry Jerosalema , izay mamono ny mpaminany sy mitora-bato izay nirahina any aminao , impiry Aho no ta-hanangona ny zanakao tahaka ny fanomban’ny akoho ny zanany ao ambanin’ny elany , fa tsy nety hianareo . Indro , avela ho anareo ny tranonareo ! Ary lazaiko aminareo : Tsy hahita Ahy intsony hianareo mandra-pilazanareo hoe : Isaorana anie Izay avy amin’ny anaran’i Jehovah . Ao amin’io jerosalema io , Jesosy dia mahita sary maneho an’izao tontolo izao , izay nitsipaka sy nanao tsinontsinona ny fahasoavany . Ho antsika izay manana fo maditra , no nandatsahan’i Jesosy ny ranomasony . Tamin’ny fotoana izay nitoamaniany ny amin’i Jerosalema , dia mbola afaka nibebaka io tanàna io ka afa-nandositra ireo fahoriana sy loza najo azy . Nandritra ny fotoana fohy , Ilay zanak’Andriamanitra dia niandry an’i Jerosalema mba handray Azy . Jesosy dia mbola manolotra ho antsika ny antsom-pitiavany .  Une Vie Meilleure pp 171 , 172

Mba ho saintsainina lalina 

Matio 13 : 24-30 , 47-50 ; Matio 25 : 31-46 .

            Ny fanjakan’ny lanitra dia tahaka ny harato tarihina , izay nalatsaka tamin’ny ranomasina ka nahavory ny samihafa karazana rehetra : ary rehefa feno izany , dia notarihiny ho eny an-tanety , dia nipetraka ny olona ka nifantina ny tsara hataony an-karona , fa ny ratsy nariany . Dia tahaka izany no hatao amin’ny fihafaran’izao tontolo izao…Ny fitoriana ny filazantsara no aseho an’ohatra amin’ny fandatsahana ny harato . Samy raisiny avokoa ao amin’ny fiangonana na ny tsara na ny ratsy . Rehefa vita ny asan’ny filazan-tsara , dia hahatanteraka ny asa fampisarahana ny fitsarana … Henoinareo ny Fanoharana p 97