TANDINDOMIN-DOZA NY FAHAFAHANA MISAFIDY

 « Eny, izay rehetra te-ho velona amin'ny toe-panahy araka an'Andriamanitra, izay ao amin'i Kristy Jesosy, dia henjehina. » 2 Timoty 3 : 12.

« Mampiharihary mazava ny fankahalan’i Roma ny Sabata marina sy ireo mpiaro azy ny tantara momba ny lasa, sy ny fomba nampiasainy mba hanajana ny sabata natsangany. Milaza ny teniny Andriamanitra fa hiverina indray izany rehefa hiray ny Katolika Romana sy ny Protestanta hanandratra ny Alahady. » – Hery Mifanandrina, p. 603.

NY MAHADISO AN’ I BABILONA

1. Inona ireo fahadisoana goavana izay maha-tompon’andraikitra an’I Babilona eo anatrehan’Andriamanitra? Moa ve fiangonana iray ihany no manana izany olana izany sa misy hafa maro ihany koa mitovy aminy? Apokalypsy 14 : 8 ; 17 : 1, 2 ; 18 : 1-3.

 

« Nomelohin’Andriamanitra i Babylona satria izy nampisotro ny firenena rehetra ny divain'ny fahatezerana noho ny fijangajangany. Izany dia midika fa notsinotsiniavina ny didy tokana mampiseho fa Andriamanitra dia marina, dia noravany ny sabata andro fahatsiarovana ny famoronan’ Andriamanitra.

« Ny fiangonana ankehitriny dia mifandrafy amin’Andriamanitra. Eo am-panatanterahana ny faminanian’i Jaona izy: “nampisotro ny firenena rehetra ny divain'ny fahatezerana noho ny fijangajangany”, Nisaraka tamin’Andriamanitra izy ireo ary nolaviny ny fandraisana ny tombon-kasen’ Andriamanitra. Ary ny olon’ izao tontolo izao dia nisotro ny divain’ ny fahatezerana noho ny fijangajangany ka nanamarina ny andro fitsaharana diso sy nanitsakitsaka ny Sabatan’ Andriamanitra. (Lettre 98, 1900). » – Commentaires bibliques, p. 407.

NY FOTOTRY NY ADY HEVITRA

 2. Amin’ny andro farany, inona no fototry ny fifanoherana ? Salamo 119 : 126 ; 1 Jaona 2 : 3, 4.

 

 « Ny Sabata no ho fisedrana lehibe momba ny fahatokiana, satria io no fahamarinana anankiray isehoan’ny fifanolanana amin’ny fomba manokana. Rehefa hampiarina amin’ny olona ny fisedrana farany, dia hisy tsipika mazava hampisaraka izay manompo an’ Andriamanitra sy izay tsy manompo Azy. Raha ny fitandremana ny sabata sandoka ny fanekena ny lalàm-panjakana, izay manohitra ny didy fahefatra, ary fiekena sy fiandaniana amin’ny fahefana manohitra an’ Andriamanitra, ny fitandremana ny sabata marina kosa dia fankatoavana ny lalàn’ Andriamanitra, sy porofo mazavan’ny toetra mahatoky amin’ny Mpamorona. Ny antokon’ olona iray izay manaiky ny famantarana amin’ny fileferana amin’ny fahefana eto an-tany, dia mandray ny mariky ny bibi-dia, ny anakiray kosa, izay mifidy ny famantarana ny fiandaniana amin’ny fahefan’Andriamanitra, dia nandray ny tombon-kasen’ Andriamanitra. » – Hery Mifanandrina, pp. 631.

3. Inona ny iraka nampanaovina an’ilay anjely niakatra avy any amin’ny fiposahan’ny masoandro ? Apokalypsy 7 : 1-3.

 

« Ny Isiraelita dia nametraka teo amin’ny tolana sy ny tataom-baravarana ny ràn’ny zanak’ ondry mariky ny maha zanak’ Andriamanitra azy. Ny zanak’ Andriamanitra dia nitondra tamin’ izany fotoana izany ny marika fa olon’ Andriamanitra izy. Hampifandridra ny amin’ilay lalàna masin’ Andriamanitra.

Hisy marika hapetaka eo amin’ny zanak’ Andriamanitra tsirairay izay azo antoka fa marika tahaka ilay napetaka teo amin’ ireo varavaran’ Isiraelita tamin’ny andron’ny Hebreo mba hanafahana ireo vahoaka amin’ny fandringanana. Manambara Andriamanitra. Ary nomeko azy koa ny Sabatako ho famantarana ho amiko sy ho aminy mba ho fantany fa Izaho Jehovah no manamasina azy (RH 6/2/1900). » – Commentaires bibliques, p. 397.

MAHAFANTATRA TSARA MIHITSY NY HETSIKA ATAONY

4. Moa ve ireo fiangonana protestanta izay mampitandrina ny Alahady mahafantatra ny loza mianjady aminy? Matio 15 : 7-9 ; Kolosiana 2 : 8.

 

« Ny fampiharana ny lalàna momba ny alahady ankehitriny dia mizotra makany amin’ny aizin-kitroka. Ny tompon’ Andraikitra isan-tsokajiny dia manakona ny tena olana marina, ary maro amin’izy ireo no tsy tonga saina ny amin’ny fiafarany izay izorany mangingina… miasa am-pahajambana izy ireo. Tsy hitany fa raha ny fitondram-panjakana iray manao sorona ny amin’ny fanaovana ireo firenena ho malalaka sy mahaleon-tena , ary hampidiriny ao anatin’ny lalàm-panorenana izay feno fahadisoana sy fitaka ataon’ny Papa. Hiverina hijoboka ao anatin’ny fahadisoana ny Romana dia ny fahamaizinana. (The Review and Herald, 11 décembre 1888.) » – Les évènements des derniers jours, pp. 129, 130.

« Isika amin’ izao fotoana izao dia ao akatoky ny vanim-potoana lehibe sy miezinezina. Ho tanteraka haingana ny faminaniana. Eo am-baravarana ny Tompo. Hiditra amin’ny vanim-potoana lehibe andrasan’ny zava-mananaina rehetra. Ny tolona natao tamin’ny lasa dia hihavao indray, hisy fifanandrinana vaovao hipoitra. Hisy tranga-javatra  hiseho izay tsy mbola ren’ny sofina hitranga. Hampiasa olona Satana hanatontosany ny asany. Ireo izay miezaka ny hanova ny lalàm-panjakana sy ireo mapanangana ny lalàna manery ny olona hitandrina ny Alahady dia hahalala kely ny vokatry ny asa  ataony . Mizotra mankany amin’ny fotoan-tsarotra isika. Témoignages pour l’Eglise, vol. 2, p. 409.

RESEO NY FAHALAINANA

 5. Inona no andraikitr’ireo zanak’Andriamanitra? Ezekiela 33 : 7-9.

 

« Ny fahefana izay ananantsika dia adidintsika no mampiasa izay eo am-pelatantsika ho entina manohitra ny ratsy izay hamotraka antsika. Tsy maintsy hampahalalantsika ny andro marina amintsika mba handresena sy hanjerana fiheveran-diso. Tokony hanazava sy hamelabelatra eo imason’ny olona ny fanontaniana araka izay fipetrany fa ho fitaovana mahomby mba ahafahana manohitra izay rehetra mety hanosihosy ny fahalalahan’ny fisainana. Tsy maintsy fantarintsika ny Soratra Masina mba ahafahana milaza ny anton’ny finoantsika. Hoy ny mpaminany: “fa ny ratsy fanahy kosa mbola hanao ratsy ihany, ary tsy hisy amin'ny ratsy fanahy hahafantatra, fa ny hendry no hahafantatra Daniel 12:10. » – Témoignages pour l’Eglise, vol. 2, p. 181.

« Tsy afaka manatanteraka na manaraka ny sitrapony isika raha tsy arahana asa, mba hiarovana ny fahalalanana amin’ny fisainana. Tsy maintsy mampiakatra vavaka amin-kafanam-po sy mahery vaika sy mandaitra any an-danitra isika mba hanosehana ny asa ratsin’i Satana, mandram-pahatongan’ny fahatanterahan’ilay asan’Andriamanitra izay notsinotsiniavina hatry ny ela. Hanandratra vavaka avo dia avo isika ary hivavaka arahan’asa. . » – Témoignages pour l’Eglise, vol. 2, p. 375.

TSY HO ELA INTSONY DIA HAMPIHARINA NY DIDIN’NY ALAHADY

6. Rahoviana ny fiangonana protestanta no hanatsotra ny tànany amin’ny fahefana papaly ? Apokalypsy 13 : 16, 17.

« Rehefa nolavin’ ny Amerikiana ny satan’ny governemanta mba hanamboarana ny lalàna momba ny Alahady, ny protestantisma hanao fiaraha-miasa amin’ny Papa; …» – Témoignages pour l’Eglise,vol. 2, p. 373.

« Hapetraky ny protestanta amin’ny papa ny fanohanany sy ny fahefany mikasika ny lalàna momba ny Alahady. Amin’ny alalan’ny famoahana didy aman-dalàna no nametrahany ny sabata tsy izy, ary hataony lalàna velona sy manankery ilay finoana ao amin’ ny fivavahana Romana, ary hampamerina indray ny fitondrana tsy refesi-mandidy sy ny hery famoretana ny fisainana. Noho izany, ho avy ny fotoana hampisehoan’ Andriamanitra ny heriny mba hiarovana ny fahamarinana. . » – Maranatha, p. 177.

« Tsy ho ela , hodidiana hapetraka  ny lalàna momba ny Alahady ary ireo olona mpomba izany dia hanaiki-dela eo anatrehan’ ireo mpino vitsy an’ isa mpiharo ny lalàn’ Andriamanitra. . (Manuscript Releases 4:278 [1909]). » – Evènements des derniers jours, p. 133.

MANOHANA NY FOTO-KEVINY

7. Inona ny foto-kevitra tazomina mafy mba hampiharana ny lalànan’ny Alahady ? Estera 3 : 8-10.

 « Ry zareo indrindra anefa no nihambo fa ny fihanaky ny faharatsian-toetra haingana dia haingana dia azo lazaina fa avy amin’ny tsy fanamasinana ilay atao hoe «  Sabata Kristiana » ny ankamaoroany, ary ny fanamafisana ny fitandremanareo ny Alahady dia hanatsara bebe kokoa ny fitondrantenan’ny olona eo amin’ny fiaraha-monina. Antitranterina manokana io filazana io any Amerika izay toerana nitoriana be indrindra ny fampianarana momba ny tena Sabata. Any amin’io tany io dia matetika no mifanindran-dalana amin’ny asa momba ny fahalalana onony izay anisan’ny fanavaozana ara-pitondrantena misongadina sy mavesa-danja indrindra ny fihetsiketsehana momba ny Alahady. Ary ireo manohana an’ ity fihetsehana voalazana farany ity dia miseho ho miasa ho amin’ny tombon-tsoa ambony indrindra ho an’ny tany ama-monina ; ary izay mandà tsy hiray aminy dia ampangainy ho fahavalon’ny fahalalana onony sy ny fanavaozana ara-pitondratena. » – Hery Mifanandrina pp. 612.

8. Inona no ho ataon’ny vahoakan’Andriamanitra eo anatrehan’ny toe-javatra toy izany ? Ary inona no hitranga eo anatrehan’ny toe-javatra sarotra toy izany? Estera 4 : 15-17 ; 9 : 1, 2.

 

« Ny fanenjehana nihatra tamin’ny zanak’ Isiraely tamin’ny andron’ i Estera dia tsy dia niavaka loatra tamin’izany fotoana izany…. Ny fanahy nanosika ny olona fahiny hanenjika ny olona marina dia hitondra ireo olona mahatoky ankehitriny amin’ny fomba mitovy nihatra tamin’ireo fihetsika tany aloha. »

« Hisy didy tahaka ilay nataon’i Ahasoerosy momba ny Jiosy havoaka hamelezana ny vahoakan’Andriamanitra . Amin’izao androntsika izao , dia mihevitra ilay vahoaka vitsy an’isa mitandrina ny didy fahaefatra ho tahaka an’i Mordekay teo am-bavahadin’ny mpanjaka ireo fahavalon’ny Fiangonana marina . Ny fanajana ny lalàna asehon’ny zanak’Andriamanitra no toy ny faniniana tsy mitsahatra atao amin’ireo rehetra niala tamin’ny fahatahorana an’Andriamanitra , ka manitsakitsaka ny Sabatany masina . Mpaminany sy Mpanjaka , pp. 493.

Mba ho saintsainina lalina

Matio 5 : 17-19 ; 2 Tesaloniana 2 : 3-10, 15-17 ; Apokalypsy 17 : 3-6.

« Mba ahazoana antoka ny laza sy fahefana, ny mpanao lalàna dia hanaiky ny fangatahana ny Alahady ho fivavahana. Ireo matahotra an’ Andrimanitra dia tsy afaka manaiky ny zavatra apetraka ka manosihosy ny lalàn’ny didy folo. Ary eo amin’io sahan’ ady io no hiseho ny ady lehibe farany, ady eo amin’ny marina sy diso. Tsy misy fisalasalana ny mikasika io fipoiran’ io ady io, tahaka ny fotoan’ny Mordekay, Andriamanitra dia hamaly faty ny fahamarinany sy ny vahoakany. – Témoignages pour l’Eglise, vol. 2, p. 179.

« Holazaina fa fikomiana ny fankatoavana ny tenin’ Andriamanitra ho fanarahana ny feon’ny fieritreretany. Hohajambain’i Satana ny ray aman-dreny ka ho sarotiny sy ho henjena amin’ny zanany izay mino ; ny mpampiasa lahy na vavy dia hampahory ny mpiasany izay mitandrina ny didy. Ho levona ny fitiavana, tsy havela handova ny zanaka ary horoahina tsy ho ao an-tokantrano. » – Hery Mifanandrina, p. 633, 634.